తగిన వ్యాయామం లేకపోవడం, అతిగా తినడం... వల్ల బరువు పెరగడం సాధారణం. అయితే కొందరు అసలేం తినకున్నా కొంచెం తిన్నా వూబకాయంతో బాధపడుతుంటారు. అందుకే దీనిగురించి నిరంతరం పరిశోధనలు చేస్తూనే ఉన్నారు నిపుణులు. ఇటీవల లండన్‌లోని కింగ్స్‌ కాలేజ్‌కి చెందిన 'డిపార్ట్‌మెంట్‌ ఆఫ్‌ ట్విన్‌ రిసెర్చ్‌' చేసిన ఓ పరిశోధనలో ఓ కొత్తవిషయం తెలిసింది. తక్కువ బరువున్నవారి పొట్టలో క్రిస్టెన్‌సెనెల్లేసే కుటుంబానికి చెందిన ఒక రకమైన బ్యాక్టీరియా ఎక్కువగా ఉన్నట్లు గుర్తించారు. ఈ బ్యాక్టీరియా తక్కువగా ఉన్నవాళ్లు ఎక్కువ బరువున్నట్లు తెలిసింది. దీన్నిబట్టి ఈ బ్యాక్టీరియా ఎంత ఎక్కువ ఉంటే వాళ్లు అంత సన్నగా ఉంటారని తేలింది. అయితే బ్యాక్టీరియా ఎక్కువ ఉండటం, తక్కువ ఉండటం అనేది మాత్రం జన్యుప్రభావమే. అంటే అది వంశపారంపర్యంగానే సంక్రమిస్తుంది. అయినప్పటికీ ఈ బ్యాక్టీరియాను కొన్ని ఎలుకల పొట్టలోకి ఇంజెక్ట్‌ చేయగా అవి సన్నబడ్డాయట. దాంతో ఈ పరిశో ధన ఆధారంగా వూబకాయాన్ని నిరోధించే కొత్త చికిత్సావిధానాలమీద దృష్టిపెట్టబోతున్నారు పరిశోధకులు.
- ===========================
- Visit my website at -> Dr.Seshagirirao.com/
No comments:
Post a Comment
Thanks for your Comment . Your feedback is important for improvement of this blog.