26 December 2013

Cause for uncontroled sleep,ఆపుకోలేని నిద్ర కు కారణము

  •  




  •  
 
కొందరు పగటిపూట కూడా తెగ నిద్ర పోతుంటారు. ఎంత ఆపుకొందామనుకున్నా ఆపుకోలేరు. ఎదుటివారితో మాట్లాడుతూనే, పనులు చేస్తూనే హఠాత్తుగా కునికిపాట్లు పడుతుంటారు. ఈ నిద్ర కొన్ని సెకండ్ల నుంచి కొన్ని నిమిషాల వరకూ ఉండొచ్చు. ఇది ప్రమాదాలకూ దారితీయొచ్చు. ఇలా ఆపుకోవటానికి వీల్లేకుండా ముంచుకొచ్చే నిద్ర సమస్యను 'నార్కోలెప్సీ' అంటారు. దీనికి మన రోగనిరోధకశక్తి గాడి తప్పటమే కారణమని చాలాకాలంగా అనుమానిస్తున్నా రుజువు కాలేదు. అయితే ఇది నిజమేనని పరిశోధకులు తాజాగా గుర్తించారు. హైపోక్రిటిన్‌ అనే రసాయనం మనం మెలకువగా ఉండటానికి తోడ్పడుతుంది. నార్కోలెప్సీ బాధితుల మెదడు లో ఈ రసాయనం స్థాయులు తక్కువగా ఉంటాయి. ఇందుకు హైపోక్రిటిన్‌ను ఉత్పత్తి చేసే మెదడు కణాలపై రోగనిరోధకశక్తి పొరపాటున దాడి చేయటం కారణమని భావిస్తున్నారు. ఇన్‌ఫెక్షన్లతో పోరాడే రోగనిరోధక వ్యవస్థలో భాగమైన టీ కణాలకు చెందిన ఒక ఉపవర్గం నార్కోలెప్సీ బారినపడ్డవారిలో ప్రత్యేకంగా కనబడుతున్నట్టు పరిశోధకులు గుర్తించారు. ఈ సమస్యకు జన్యు సంబంధ అంశాలూ దోహదం చేస్తాయి. ఇలాంటి జన్యువులు గలవారిలో హైపోక్రిటిన్‌ మీద రోగనిరోధక వ్యవస్థ దాడి చేసేలా ఇన్‌ఫెక్షన్ల వంటివీ ప్రేరేపిస్తున్నాయని స్టాన్‌ఫోర్డ్‌ విశ్వవిద్యాలయానికి చెందిన డాక్టర్‌ ఎలిజబెత్‌ మెలిన్స్‌ చెబుతున్నారు. స్వైన్‌ఫ్లూ బారినపడ్డ పిల్లల్లో నార్కోలెప్సీ సమస్య పెరగటమే దీనికి నిదర్శనమని వివరిస్తున్నారు. కొన్నిరకాల ఇన్‌ఫెక్షన్లు టీ కణాలను అయోమయానికి గురిచేసి హైపోక్రిటిన్‌ ఉత్పిత్తి చేసే కణాలపై దాడి చేసేలా పురికొల్పుతున్నట్టు పరిశోధకులు గుర్తించారు. పగటినిద్రకు రాత్రుళ్లు త్వరగా పడుకోకపోవటం వంటి రకరకాల అంశాలు దోహదం చేస్తాయి కాబట్టి నార్కోలెప్సీని కచ్చితంగా నిర్ధరించటం కష్టమైన పని. అయితే తాజా పరిశోధన మున్ముందు ఈ సమస్యను గుర్తించే రక్తపరీక్షను రూపొందించేందుకు దారితీయగలదని ఆశిస్తున్నారు. దీంతో రోగనిరోధకశక్తిని తగ్గించే మందులతో చికిత్స చేసే అవకాశమూ ఉండొచ్చని భావిస్తున్నారు.

source : Health Screens and updates Journal
  • =========================== 
Visit my website at -> Dr.Seshagirirao.com/

Effect of Meditation on Genes,జన్యువులపైనా ధ్యానం ప్రభావం

  •  

  •  

ధ్యానం మానసిక ప్రశాంతతను చేకూరుస్తుందన్నది తెలిసిందే. ఇది శరీరంలో వాపుతో సంబంధం గల జన్యువుల వ్యక్తీకరణలో మార్పులనూ కలగజేస్తున్నట్టు తాజాగా తేలింది. అలాగే ఒత్తిడితో కూడిన ఘటనల నుంచి త్వరగా కోలుకునేట్టూ చేస్తున్నట్టు బయటపడింది. జన్యువులపై ధ్యానం ప్రభావాలను గుర్తించటానికి విస్కాన్సిన్‌ విశ్వవిద్యాలయ పరిశోధకులు ఇటీవల ఒక అధ్యయనం చేశారు. 40 మందిని ఎంచుకొని పరిశీలించారు. కొందరితో ఎనిమిది గంటల సేపు ధ్యానం చేయించగా.. కొందరిని డాక్యమెంటరీలు చూడమని, పుస్తకాలు చదవమని, కంప్యూటర్‌ గేమ్స్‌ ఆడుకోమని చెప్పారు. అనంతరం వీరి రక్తనమూనాలను పరీక్షించగా.. ధాన్యం చేసినవారిలో వాపుతో సంబంధం గల హెచ్‌డీఏసీ, ఆర్‌ఐపీకే2, కాక్స్‌2 జన్యువుల వ్యక్తీకరణలో తగ్గుదల కనిపించింది. పలు వ్యాధుల వృద్ధి, చికిత్సలో వాపు కీలక పాత్ర పోషిస్తున్నందున ఈ అధ్యయన ఫలితాలు మరింత ప్రాధాన్యం సంతరించుకున్నాయి. శరీరంలో దీర్ఘకాల వాపు మూలంగా గుండెజబ్బు, కీళ్లవాతం, ఆస్థమా, ల్యూపస్‌, పెద్దపేగు పూత, క్యాన్సర్‌ వంటి జబ్బుల ముప్పు పొంచి ఉంటోందని గత అధ్యయనాల్లో వెల్లడైంది. నొప్పిని, వాపును తగ్గించటానికి ప్రస్తుతం వాడుతున్న మందులు కొన్ని జన్యువులను లక్ష్యంగా చేసుకొనే పనిచేస్తుంటాయి. ధ్యానం మూలంగా ఈ జన్యువుల్లోనే మార్పులు కనబడటం విశేషమని అధ్యయన నేత పెర్లా క్యాలిమన్‌ చెబుతున్నారు. అంతేకాదు.. ఒత్తిడికి లోనైన తర్వాత ఆర్‌ఐపీ2, హెచ్‌డీఏసీ జన్యువులు త్వరగా సాధారణ స్థాయికి రావటమూ గమనార్హం. శరీరంలో వాపు మూలంగా కణాలు త్వరగా వృద్ధాప్యానికీ లోనవుతాయి. రకరకాల దీర్ఘకాల సమస్యలకూ దారితీస్తాయి. అందువల్ల ధ్యానం వంటి పద్ధతులు ఆయుష్షును పెంచటానికీ తోడ్పడతాయని పరిశోధకులు వివరిస్తున్నారు
  • ===========================
 Visit my website at -> Dr.Seshagirirao.com/

13 December 2013

x-ray is 10 thousand times thinner than hair,వెంట్రుక కన్నా పదివేల రెట్లు పలుచనైనది- ఎక్స్ రే.

  •  


  •  

బెర్లిన్‌: మనిషి శరీరంలో ఎముకలతోపాటు అనేక పదార్థాల నిర్మాణాన్ని చిత్రాల రూపంలోకి మలచేందుకు ఉపయోగించే ఎక్స్ రేల్లో అత్యంత పలుచనైన కిరణాన్ని యూనివర్సిటీ ఆఫ్‌ గోటిన్‌జెన్‌ శాస్త్రవేత్తలు సృష్టించారు. ప్రపంచంలోనే అతి పలుచనైన ఈ ఎక్స్ కిరణం మనిషి వెంట్రుక కన్నా 10 వేల రెట్లు పలుచగా ఉండటం విశేషం.ప్రస్తుత పద్ధతుల్లో సృష్టిస్తున్న ఎక్స్  కిరణాలు కనీసం 20 నానోమీటర్ల మందంలో ఉంటున్నాయని, తాము మాత్రం 5 నానోమీటర్ల వ్యాసంలోనే ఎక్స్ కిరణాన్ని సృష్టించగలిగామని పరిశోధనకు నేతృత్వం వహించిన శాస్త్రవేత్త టిమ్‌ చెప్పారు. సోలార్‌ సెల్స్ లో ఉపయోగించే నానోస్థాయి తీగలపై, రసాయన పదార్థాల్లో అతిసూక్ష్మ స్థాయి విశ్లేషణకు ఇవి ఉపయోగపడతాయన్నారు.

  • =========================== 
Visit my website at -> Dr.Seshagirirao.com/

22 November 2013

Asprin taken night is good, ఆస్ప్రిన్‌ మాత్ర రాత్రిపూటే మేలు

  •  



 Asprin taken night is good, ఆస్ప్రిన్‌ మాత్ర రాత్రిపూటే మేలు

వాషింగ్టన్‌: గుండెజబ్బులు గలవారు ఉదయం పూట కన్నా రాత్రి నిద్రపోవటానికి ముందు ఆస్ప్రిన్‌ వేసుకోవటం మేలని పరిశోధకులు పేర్కొన్నారు. దీంతో గుండెపోటు ముప్పు తగ్గుతున్నట్టు తేలిందని వివరించారు. గుండెజబ్బు గలవారికి తక్కువ మోతాదులో ఆస్ప్రిన్‌ వేసుకోవాలని డాక్టర్లు సూచిస్తుంటారు. ఇది రక్తాన్ని పలుచబరుస్తుంది. రక్తం గడ్డ కట్టకుండా చూస్తుంది. ఆస్ప్రిన్‌ ఎప్పుడు వేసుకుంటే మేలనే దానిపై పరిశోధకులు ఇటీవల ఒక అధ్యయనం చేశారు. రాత్రిపూట ఆస్ప్రిన్‌ మాత్రలు వేసుకున్నవారి రక్తంలో ప్లేట్‌లెట్ల పనితీరు మందగించినట్టు గుర్తించినట్లు లీడెన్‌ విశ్వవిద్యాలయానికి చెందిన టోబియాస్‌ బోంటెన్‌ సూచించారు.

  • =========================== 
Visit my website at -> Dr.Seshagirirao.com/

Cautions before heart-attack,గుండెపోటుకు నెల ముందే హెచ్చరికలు

  •  

 Cautions before heart-attack,గుండెపోటుకు నెల ముందే హెచ్చరికలు

వాషింగ్టన్‌: హఠాత్తుగా గుండెపోటు (సడెన్‌ కార్డియాక్‌ అరెస్ట్‌) సంభవించటానికి నెల ముందు నుంచే శరీరం హెచ్చరికలు అందజేస్తుందని పరిశోధకులు తెలిపారు. గుండెలోని విద్యుత్‌ వ్యవస్థ విఫలం కావటం వల్ల గుండె పనిచేయటం ఆగిపోయి సడెన్‌ కార్డియాక్‌ అరెస్ట్‌కు దారితీస్తుంది. దీని బారినపడ్డ 53% మందిలో చాలాకాలం ముందు నుంచే ఛాతీనొప్పి వంటి లక్షణాలు కనిపిస్తున్నాయని పరిశోధకులు గుర్తించారు. వీరిలో 56% మందిలో ఛాతీనొప్పి, 13% మందిలో శ్వాస సరిగా తీసుకోలేకపోవటం, 4% మందిలో తలతిప్పు, వణుకు, గుండె వేగంగా కొట్టుకోవటం వంటివి ఉన్నట్టు కనుగొన్నారు. అందువల్ల ఛాతీనొప్పి, శ్వాసలో ఇబ్బంది వంటి లక్షణాలు కనిపిస్తే నిర్లక్ష్యం చేయకుండా వెంటనే డాక్టర్‌ను సంప్రదించటం మేలని సీడర్‌-సినై హార్ట్‌ ఇన్‌స్టిట్యూట్‌కు చెందిన సుమీత్‌ చుగ్‌ తెలిపారు.

  • =========================== 
Visit my website at -> Dr.Seshagirirao.com/

15 November 2013

More coffee lessen lifespan,అతి కాఫీ..ఆయుక్షీణం

  •  
  •  More coffee lessen lifespan,అతి కాఫీ..ఆయుక్షీణం

వాషింగ్టన్‌: రోజుకు నాలుగు కప్పులకు మించి కాఫీ తాగితే ఆరోగ్యంపై దుష్ప్రభావం పడుతుందని తాజా అధ్యయనం ఒకటి గుర్తించింది. 55 ఏళ్లలోపు ఉన్నవారిలో రోజులో నాలుగు కంటే ఎక్కువ కప్పుల కాఫీ తాగే వారి ఆరోగ్యంపై ఎక్కువ ప్రభావం చూపుతుందని పరిశోధకులు గుర్తించారు. దక్షిణ కరోలినా విశ్వవిద్యాలయం ఈ అధ్యయనం చేసింది. ఈ అధ్యయనంలో 25 నుంచి 87 ఏళ్లలోపు వయసున్న దాదాపు 40 వేల మందిని 1978 నుంచి 1998 మధ్య పరిశీలించారు. ఈ అధ్యయనంలో అలవాట్లను, జీవనశైలిని గురించి పరిశోధించారు. కాఫీ అధికంగా తాగే అలవాటున్న వారు ధూమపానం చేసేందుకు ఎక్కువగా ఇష్టపడుతున్నారని గుర్తించారు. దీనివల్ల వారి గుండె సామర్థ్యంపై ప్రభావం చూపుతుంది. పరిశోధన జరుగుతున్న సమయంలో 2512 మంది చనిపోయారు. అన్ని రకాల కారణాలతో కలిపి ఈ ముప్పు 56% ఉందని పరిశోధకులు తేల్చారు.
  • =========================== 
Visit my website at -> Dr.Seshagirirao.com/

13 November 2013

New medicine for dimentia,మందమతికో 'ఐన్‌స్టీన్‌' పరీక్ష



వాషింగ్టన్‌: వృద్ధాప్యంలో రాబోయే మతిమరుపు (డైమెన్షియా) జబ్బును ముందుగానే గుర్తించగలిగేందుకు 'ఐన్‌స్టిన్‌' అనే చిన్న పరీక్ష ఎంతగానో దోహదపడుతుందని షికాగోకు చెందిన పరిశోధకులు అంటున్నారు. 40 నుంచి 65 ఏళ్ల ప్రాయంలో ఈ పరీక్ష ద్వారా ఈ వ్యాధి లక్షణాలను ముందే గుర్తించవచ్చట. ఇందుకోసం వీరికి ఆల్‌బర్ట్‌ ఐన్‌స్టీన్‌, బరాక్‌ ఒబామా, బిల్‌గేట్స్‌, ఓప్రా విన్‌ఫ్రే, ప్రిన్సెస్‌ డయాన, జాన్‌ ఎఫ్‌ కెన్నడీ, మార్టిన్‌ లూథర్‌ కింగ్‌ లాంటి 20 మంది ప్రముఖుల నలుపు తెలుపు చిత్రాలను ముద్రించి వారిని గుర్తించే పరీక్ష ఇది. 62ఏళ్ల ప్రాయంలో ఉన్నవారిపై ఈ పరీక్ష నిర్వహించి అధ్యయనం చేశారు. ఈ పరీక్ష కోసం మందమతి జబ్బు ఉన్నవారు ఆ చిత్రాల్లో ఉన్నవారి పేర్లు ఎంతమంది గుర్తు పడతారు, గుర్తు పట్టకపోతే, ఆ వ్యక్తులకు సంబంధించి వారికేం తెలుసో రాయమని చెప్పి పరిశీలించినట్లు షికాగోలోని నార్త్‌వెస్ట్‌ యూనివర్సిటీ ఫీన్‌బెర్గ్‌ స్కూల్‌ ఆఫ్‌ మెడిసిన్‌ పరిశోధకుడు టామర్‌ జెఫెన్‌ తెలిపారు. పేరు గుర్తించడంలో ఇబ్బంది పడ్డవారు ఎడమ టెంపోరల్‌ లోబ్‌లోని మెదడు కణజాలం కోల్పోయినట్లు, ముఖాలను గుర్తించడంలో ఇబ్బంది పడ్డవారిలో ఈ మెదడు కణజాలం రెండువైపులా కోల్పోయినట్లు ఎంఆర్‌ఐ స్కాన్‌లో గుర్తించామని, దీని ఆధారంగా ముందస్తుగానే ఈ జబ్బును కనుగొనగలమని తెలిపారు.=========================== Visit my website at -> Dr.Seshagirirao.com/ http://dr.seshagirirao.tripod.com/

Medicine to kill stomach cancer cells, జీర్ణాశయ క్యాన్సర్‌ కణాలను చంపే మందు



జీర్ణాశయ క్యాన్సర్‌ కణాలను సమర్థవంతంగా చంపే ఎల్‌ఎఫ్‌సిన్‌బీ25-ఆవు పాల నుంచి తీసిన ఎల్‌ఎఫ్‌సిన్‌బీ25 అనే పెప్త్టెడ్‌ జీర్ణాశయ క్యాన్సర్‌ కణాలను సమర్థవంతంగా చంపుతున్నట్టు తైవాన్‌ పరిశోధకుల అధ్యయనంలో బయటపడింది=========================== Visit my website at -> Dr.Seshagirirao.com/ http://dr.seshagirirao.tripod.com/

Eye fore-telling paralysis, పక్షవాతాన్ని పట్టిచ్చే కంటిపాప



వాషింగ్టన్‌ : అధిక రక్తపోటు వల్ల పక్షవాతం వచ్చే ప్రమాదం ఎక్కువని చెబుతుంటారు. అయితే ప్రతి రక్తపోటూ పక్షవాతానికి దారితీయకపోవచ్చు. కొన్నిరకాల అధిక రక్తపోటుకు మాత్రమే ఆ ప్రమాదం. ముఖ్యంగా కంట్లో 'హైపర్‌టెన్సివ్‌ రెటినోపతి' వంటి సమస్యలు కలిగించే రక్తపోటుతో ఈ ప్రమాదం ఎక్కువని చెబుతున్నారు సింగపూర్‌ జాతీయ విశ్వవిద్యాలయానికి చెందిన ఆచార్యుడు మొహమ్మద్‌ కమ్రాన్‌ ఇక్రామ్‌. అందుకు కంటిపాపను ముందుగానే ఛాయాచిత్రం తీయడం ఎంతగానో ఉపయోగపడుతుందనిఆయన అంటున్నారు. కంటిపాపలోని రెటినా మెదడులోని నరాల ఆరోగ్యాన్ని ఇట్టే పట్టిచ్చేస్తుందని ఆయన చెబుతున్నారు. కమ్రాన్‌ ఇక్రామ్‌ 13 ఏళ్లపాటు 2,907 మంది రోగులపై పరిశోధన చేశారు. ముందుగా వారి కంటిపాపలోని రెటినా ఛాయాచిత్రాలు తీసుకున్నారు. ఛాయాచిత్రాల ద్వారా 'హైపర్‌టెన్సివ్‌ రెటినోపతి'ని పసిగట్టిన రోగుల్లో పక్షవాతం వచ్చే ప్రమాదం 35 నుంచి 137 శాతం వరకు నమోదైందని ఇక్రామ్‌ చెబుతున్నారు.=========================== Visit my website at -> Dr.Seshagirirao.com/ http://dr.seshagirirao.tripod.com/

App.to break heart stroke, యాప్‌తో స్ట్రోక్‌కి బ్రేక్‌



మెల్బోర్న్‌: హృదయ స్పందనలో తేడాలను సకాలంలో గుర్తించి.. స్ట్రోక్‌ రాకుండా కాపాడే యాప్‌ను అభివృద్ధి చేశారు సిడ్నీ విశ్వవిద్యాలయ పరిశోధకులు. అలివ్‌కార్‌ హార్ట్‌ మానిటర్‌ పేరిట పిలిచే ఈ ఐఫోన్‌ యాప్‌ ఆట్రియల్‌(Atrial fibrillation) ఫిబ్రిల్లేషన్‌ (ఏఎఫ్‌)ను గుర్తిస్తుంది. దీనికి చికిత్స తీసుకుంటే స్ట్రోక్‌ రాకుండా జాగ్రత్తపడొచ్చు. ఏఎఫ్‌ అనేది వృద్ధుల్లో సాధారణంగా వచ్చే సమస్య. ఈ సమస్య కలిగిన వారిలో ప్రతి ముగ్గురిలో ఒకరికి స్ట్రోక్‌ వచ్చే అవకాశం ఉంటుంది.

=========================== Visit my website at -> Dr.Seshagirirao.com/ http://dr.seshagirirao.tripod.com/

Fish to cure joint pains,కీళ్ల నొప్పుల్ని తగ్గించే చేపలు





లండన్‌: చేపలు తినడం వల్ల దక్కే ప్రయోజనాల్లో మరొకటి వచ్చి చేరింది. సాల్మొన్‌ రకం చేపల్ని చేపల్ని కనీసం వారానికొకసారైనా తినడం వల్ల రుమటాయిడ్‌ ఆర్త్థ్రెటిస్‌ వంటి కీళ్లనొప్పుల ముప్పు సగందాకా తగ్గుతుందని తాజా అధ్యయనంలో వెల్లడైంది. 32 వేల మందికిపైగా స్వీడన్‌ మహిళలపై చేపట్టిన అధ్యయనం ద్వారా ఈ విషయాన్ని తేల్చారు. స్వీడన్‌కు చెందిన కరోలిన్‌స్కా ఇనిస్టిట్యూట్‌కు చెందిన పరిశోధకుల బృందం 32 వేల మంది మహిళల ఆహార అలవాట్లను విశ్లేషించింది. ఒమెగా-3 కొవ్వు ఆమ్లాలను అధికంగా తీసుకున్న వారిలో కీళ్లనొప్పుల ముప్పు తక్కువగా ఉన్నట్లు తేల్చారు. సాల్మొన్‌, తాజా ట్యూనా వంటి చేపల్లో అధికంగా లభ్యమవుతుంది. రుమటాయిడ్‌ ఆర్థ్రైటిస్‌తో బాధపడుతున్న 27 శాతం మందిలో రోజుకు ఒమెగా-3 కొవ్వు ఆమ్లాలు తక్కువగా తీసుకుంటున్నట్లు గుర్తించారు. మొత్తానికి మహిళలు వారానికి ఒకసారైనా నూనెతో కూడిన చేపల్ని తినాలని పరిశోధకులు ప్రొఫెసర్‌ అలన్‌ సిల్మాన్‌ సూచిస్తున్నారు
=========================== Visit my website at -> Dr.Seshagirirao.com/ http://dr.seshagirirao.tripod.com/

pre-mature born baby suffer heart diseases, నెలలు నిండని బిడ్డలకు గుండె జబ్బు ముప్పు







వాషింగ్టన్‌: నెలలు నిండకుండానే జన్మించిన శిశువుల్లో గుండె నిర్మాణ సంబంధ లోపాలు తలెత్తే ప్రమాదం ఉందని తాజా అధ్యయనంలో తేలింది. ఇవి.. భవిష్యత్‌లో హృద్రోగాలకు దారితీయొచ్చని వెల్లడైంది. లండన్‌లోని ఆక్స్‌ఫర్డ్‌ విశ్వవిద్యాలయానికి చెందిన కార్డియోవాస్క్యులర్‌ క్లినికల్‌ రీసెర్చ్‌ ఫెసిలిటీకి చెందిన శాస్త్రవేత్తలు ఈ పరిశోధన నిర్వహించారు.

పరిశోధనలో భాగంగా శాస్త్రవేత్తలు.. నెలలు నిండని 102 మంది శిశువులను వారు జన్మించినప్పటి నుంచి 20లలోకి అడుగుపెట్టేవరకూ పరిశీలించారు. గర్భం దాల్చాక 37వ వారంలోగా పుట్టినవారిని ఈ తరగతి కిందకి వర్గీకరించారు. నెలలు నిండాక జన్మించిన 132 మందితో వీరిని పోల్చి చూశారు. నెలలు నిండకుండా పుట్టినవారి గుండెలోని కుడివైపు దిగువ విభాగం చాలా చిన్నగా, బరువుగా ఉన్నట్లు గుర్తించారు. వీటి గోడలు మందంగా ఉండి, తక్కువ పంపింగ్‌ సామర్థ్యాన్ని కలిగి ఉన్నాయని తేల్చారు. శిశువు ఎంత ముందుగా పుడితే అంత ఎక్కువగా గుండెలోని ఈ భాగంపై ప్రభావం పడుతున్నట్లు ఇందులో వెల్లడైంది. నేటి యువతలో దాదాపు 10 శాతం మంది నెలలు నిండకుండానే జన్మించారని పరిశోధనకు నాయకత్వం వహించిన ప్రొఫెసర్‌ పాల్‌ లీసన్‌ తెలిపారు. 
=========================== Visit my website at -> Dr.Seshagirirao.com/ http://dr.seshagirirao.tripod.com/

Mother milk lessen obesity,తల్లిపాలతో వూబకాయం దూరం



టోక్యో: తల్లిపాలతో పెరిగిన పిల్లల్లో వూబకాయం ప్రమాదం తగ్గుతుందని జపాన్‌లో జరిగిన అధ్యయనం వెల్లడించింది. ఓకయోమ విశ్వవిద్యాలయానికి చెందిన

గ్రాడ్యుయేట్‌ స్కూల్‌ ఆఫ్‌ మెడిసిన్‌ అక్కడ 43,367 మంది పాఠశాల చిన్నారులపై అధ్యయనం చేసింది. వీరిలో ఆరు నుంచి ఏడు నెలల పాటు తల్లి పాలు

తాగిన పిల్లల్లో వూబకాయం ప్రమాదం చాలా తక్కువగా కనిపించిందట. సీసా పాలు తాగిన పిల్లల్లో మాత్రం వూబకాయం చాలా ఎక్కువగా కనిపించిందని

అధ్యయన బృందం తెలిపింది. పిల్లలు కంప్యూటర్‌, వీడియో గేమ్‌ ఆడే సమయాన్ని కూడా పరిగణనలోకి తీసుకుని ఈ అధ్యయనం చేశారు.

=========================== Visit my website at -> Dr.Seshagirirao.com/ http://dr.seshagirirao.tripod.com/

11 November 2013

Treatment for disease with patch,ప్యాచ్‌తో వ్యాధికి చికిత్స

  •  
  •  
లండన్‌: పలు అనారోగ్య సమస్యలకు చికిత్స అందించే విప్లవాత్మకమైన ప్యాచ్‌ను పరిశోధకులు రూపొందించారు. అధిక రక్తపోటు, గుండెపోటు, పక్షవాతం వంటి సమస్యలకు ఈ ప్యాచ్‌ చికిత్స అందజేస్తుంది. జపాన్‌ సంస్థ అభివృద్ధి చేసిన ఈ ప్యాచ్‌లో నుంచి ఔషధం నెమ్మదిగా చర్మం ద్వారా రక్తప్రసరణ వ్యవస్థలోకి కలుస్తుంటుంది. దీనిని బాధితులు భుజానికి, ఛాతీ, వీపు వద్ద అమర్చుకోవాల్సి ఉంటుంది. ప్రతిరోజూ మార్చుకోవాల్సి ఉంటుంది. ఓ బీటాబ్లాకర్‌ రకానికి చెందిన ఔషధం 'బైసోప్రొలాల్‌'ను క్రమబద్ధంగా అందజేస్తుంది. క్రమపద్ధతిలో నిరంతరంగా ఔషధం అందడం వల్ల గుండెపోటు, పక్షవాతం వంటి సమస్యలు తగ్గుతాయని పరిశోధకులు పేర్కొన్నారు. దీనిని ఉపయోగించేందుకు ఇప్పటికే జపాన్‌లో అనుమతి లభించగా, రెండుమూడేళ్లలో బ్రిటన్‌లోనూ అందుబాటులోకి రానుంది. ప్రతి ప్యాచ్‌లోనూ నాలుగు లేదా ఎనిమిది మిల్లీగ్రాముల మోతాదులో ఔషధం ఉంటుంది. అధిక రక్తపోటు, గుండెపోటు, గుండె వైఫల్యం, ఆందోళన, పార్శ్వనొప్పి వంటి వ్యాధుల్లో బీటా బ్లాకర్లను 50 ఏళ్లుగా వాడుతున్నారు. ఈ ప్యాచ్‌తో రక్తపోటు నియంత్రణ మెరుగవుతుందని వీటిని తయారు చేసిన జపాన్‌ సంస్థ నిటోడెంకో పేర్కొంది. ప్యాచ్‌ను ఉపయోగించినప్పుడు రక్తపోటు 24 గంటలపాటు స్థిరంగా ఉన్నట్లు క్లినికల్‌ ట్రయల్స్‌లో వెల్లడైంది.
===========================
 Visit my website at -> Dr.Seshagirirao.com/

10 November 2013

New treatment for Anxeity,ఆందోళనకు కొత్త చికిత్స

  •  


  •  
వాషింగ్టన్‌: ఆందోళన తదితర మానసిక రుగ్మతలకు సమర్థమైన రీతిలో కొత్త తరహా చికిత్స మార్గాన్ని శాస్త్రవేత్తలు గుర్తించారు. ఈ బృందంలో భారత సంతతికి చెందిన శాస్త్రవేత్త పటేల్‌ కూడా ఉన్నారు. రసాయనాలతో మెరుగుపరిచిన కాక్స్‌-2 ఎంజైమ్‌ ఇన్‌హిబిటర్లు ఆందోళన లక్షణాల నుంచి ఉపశమనం కలిగిస్తాయని గుర్తించారు. సహజసిద్ధమైన ఎండోకానాబినాయిడ్స్‌ను ప్రేరేపించడం ద్వారా ఇవి ఉపశమనాన్ని కలుగజేస్తాయని పరిశోధకులు పేర్కొన్నారు. ఆందోళన, మానసిక రుగ్మతల చికిత్సల్లో ఇవి కొత్త తరహా పద్ధతులకు నాంది పలుకుతాయని భావిస్తున్నారు. వీటికి సంబంధించిన క్లినికల్‌ ట్రయల్స్‌ రాబోయే కొన్నేళ్లలో మొదలవుతాయని పరిశోధకులు లారెన్స్‌ మార్నెట్‌ పేర్కొన్నారు.

  • ===========================
 Visit my website at -> Dr.Seshagirirao.com/

New treatment for Anxeity,ఆందోళనకు కొత్త చికిత్స

  •  


  •  
వాషింగ్టన్‌: ఆందోళన తదితర మానసిక రుగ్మతలకు సమర్థమైన రీతిలో కొత్త తరహా చికిత్స మార్గాన్ని శాస్త్రవేత్తలు గుర్తించారు. ఈ బృందంలో భారత సంతతికి చెందిన శాస్త్రవేత్త పటేల్‌ కూడా ఉన్నారు. రసాయనాలతో మెరుగుపరిచిన కాక్స్‌-2 ఎంజైమ్‌ ఇన్‌హిబిటర్లు ఆందోళన లక్షణాల నుంచి ఉపశమనం కలిగిస్తాయని గుర్తించారు. సహజసిద్ధమైన ఎండోకానాబినాయిడ్స్‌ను ప్రేరేపించడం ద్వారా ఇవి ఉపశమనాన్ని కలుగజేస్తాయని పరిశోధకులు పేర్కొన్నారు. ఆందోళన, మానసిక రుగ్మతల చికిత్సల్లో ఇవి కొత్త తరహా పద్ధతులకు నాంది పలుకుతాయని భావిస్తున్నారు. వీటికి సంబంధించిన క్లినికల్‌ ట్రయల్స్‌ రాబోయే కొన్నేళ్లలో మొదలవుతాయని పరిశోధకులు లారెన్స్‌ మార్నెట్‌ పేర్కొన్నారు.

  • ===========================
 Visit my website at -> Dr.Seshagirirao.com/

New treatment for Anxeity,ఆందోళనకు కొత్త చికిత్స

  •  


  •  
వాషింగ్టన్‌: ఆందోళన తదితర మానసిక రుగ్మతలకు సమర్థమైన రీతిలో కొత్త తరహా చికిత్స మార్గాన్ని శాస్త్రవేత్తలు గుర్తించారు. ఈ బృందంలో భారత సంతతికి చెందిన శాస్త్రవేత్త పటేల్‌ కూడా ఉన్నారు. రసాయనాలతో మెరుగుపరిచిన కాక్స్‌-2 ఎంజైమ్‌ ఇన్‌హిబిటర్లు ఆందోళన లక్షణాల నుంచి ఉపశమనం కలిగిస్తాయని గుర్తించారు. సహజసిద్ధమైన ఎండోకానాబినాయిడ్స్‌ను ప్రేరేపించడం ద్వారా ఇవి ఉపశమనాన్ని కలుగజేస్తాయని పరిశోధకులు పేర్కొన్నారు. ఆందోళన, మానసిక రుగ్మతల చికిత్సల్లో ఇవి కొత్త తరహా పద్ధతులకు నాంది పలుకుతాయని భావిస్తున్నారు. వీటికి సంబంధించిన క్లినికల్‌ ట్రయల్స్‌ రాబోయే కొన్నేళ్లలో మొదలవుతాయని పరిశోధకులు లారెన్స్‌ మార్నెట్‌ పేర్కొన్నారు.

  • ===========================
 Visit my website at -> Dr.Seshagirirao.com/

New treatment for Anxeity,ఆందోళనకు కొత్త చికిత్స

  •  


  •  
వాషింగ్టన్‌: ఆందోళన తదితర మానసిక రుగ్మతలకు సమర్థమైన రీతిలో కొత్త తరహా చికిత్స మార్గాన్ని శాస్త్రవేత్తలు గుర్తించారు. ఈ బృందంలో భారత సంతతికి చెందిన శాస్త్రవేత్త పటేల్‌ కూడా ఉన్నారు. రసాయనాలతో మెరుగుపరిచిన కాక్స్‌-2 ఎంజైమ్‌ ఇన్‌హిబిటర్లు ఆందోళన లక్షణాల నుంచి ఉపశమనం కలిగిస్తాయని గుర్తించారు. సహజసిద్ధమైన ఎండోకానాబినాయిడ్స్‌ను ప్రేరేపించడం ద్వారా ఇవి ఉపశమనాన్ని కలుగజేస్తాయని పరిశోధకులు పేర్కొన్నారు. ఆందోళన, మానసిక రుగ్మతల చికిత్సల్లో ఇవి కొత్త తరహా పద్ధతులకు నాంది పలుకుతాయని భావిస్తున్నారు. వీటికి సంబంధించిన క్లినికల్‌ ట్రయల్స్‌ రాబోయే కొన్నేళ్లలో మొదలవుతాయని పరిశోధకులు లారెన్స్‌ మార్నెట్‌ పేర్కొన్నారు.

  • ===========================
 Visit my website at -> Dr.Seshagirirao.com/

New treatment for Anxeity,ఆందోళనకు కొత్త చికిత్స

  •  


  •  
వాషింగ్టన్‌: ఆందోళన తదితర మానసిక రుగ్మతలకు సమర్థమైన రీతిలో కొత్త తరహా చికిత్స మార్గాన్ని శాస్త్రవేత్తలు గుర్తించారు. ఈ బృందంలో భారత సంతతికి చెందిన శాస్త్రవేత్త పటేల్‌ కూడా ఉన్నారు. రసాయనాలతో మెరుగుపరిచిన కాక్స్‌-2 ఎంజైమ్‌ ఇన్‌హిబిటర్లు ఆందోళన లక్షణాల నుంచి ఉపశమనం కలిగిస్తాయని గుర్తించారు. సహజసిద్ధమైన ఎండోకానాబినాయిడ్స్‌ను ప్రేరేపించడం ద్వారా ఇవి ఉపశమనాన్ని కలుగజేస్తాయని పరిశోధకులు పేర్కొన్నారు. ఆందోళన, మానసిక రుగ్మతల చికిత్సల్లో ఇవి కొత్త తరహా పద్ధతులకు నాంది పలుకుతాయని భావిస్తున్నారు. వీటికి సంబంధించిన క్లినికల్‌ ట్రయల్స్‌ రాబోయే కొన్నేళ్లలో మొదలవుతాయని పరిశోధకులు లారెన్స్‌ మార్నెట్‌ పేర్కొన్నారు.

  • ===========================
 Visit my website at -> Dr.Seshagirirao.com/

07 November 2013

Early sleeping in children is a solution,త్వరగా నిద్రపోవడం పిల్లల్లో వూబకాయానికి పరిష్కారం

  •  

  •  
వాషింగ్టన్‌: త్వరగా నిద్రపుచ్చడం వల్ల పిల్లల్లో వూబకాయం సమస్య తగ్గుతుందని తాజా పరిశోధనల్లో తేలింది. వూబకాయులైన చిన్నారులకు పెందలాడే నిద్రపోవడం అలవాటు చేస్తే....సత్ఫలితాలు కనిపించినట్లు వారు తెలిపారు. పిల్లల ఆహారపుటలవాట్లపై నిద్రవేళల ప్రభావం అధికంగా ఉన్నట్లు తేలింది. పరిశోధకులు తమ అధ్యయనం నిమిత్తం 8-11 సంవత్సరాల వయసు పిల్లలను ఎంపిక చేసుకున్నారు. ఇందులో అధికబరువున్న వారూ ఉన్నారు. వీరిని మొదట వారం రోజుల పాటు వారెలాంటి సమయాల్లో నిద్రపోతారో అదే వేళలను పాటించారు. ఆ తర్వాత రెండోవారంలో వారి నిద్రవేళలను కాస్త పెంచారు. దీంతో, వారి ఆహారం స్వీకరించే తీరులో తేడా కనిపించింది. ఆకలికి కారణమయ్యే 'లెప్టిన్‌' స్థాయులూ తగ్గినట్లు తేలింది.

  • ===========================
 Visit my website at -> Dr.Seshagirirao.com/

New medicine for Lung cancer,వూపిరితిత్తుల క్యాన్సర్‌ చికిత్సకు కొత్త ఔషధం

  •  
  •  
లాస్‌ఏంజెల్స్‌: చర్మసంబంధ క్యాన్సర్‌ వైద్యానికి ఉపయోగిస్తున్న ఓ ప్రయోగాత్మ ఔషధాన్ని వూపిరితిత్తుల క్యాన్సర్‌ చికిత్సలోనూ వాడొచ్చని శాస్త్రవేత్తలు చెప్తున్నారు. ఎం.కె.3475గా వ్యవహరించే ఈ కొత్త ఔషధానికి సంబంధించిన పరిశోధనల ప్రాథమిక ఫలితాలను కాలిఫోర్నియా విశ్వవిద్యాలయ ఛాతీక్యాన్సర్‌ అధ్యయన విభాగ సంచాలకుడు ఎడ్వర్డ్‌ గారన్‌ వెల్లడించారు. ప్రాథమిక ఫలితాలను ఆధారంగా చేసుకుని మెరుగైన ఫలితాల కోసం మందు మోతాదు మార్చి పరిశోధనలు కొనసాగించేందుకు వీరు సిద్ధమవుతున్నారు.

  • =========================== 
Visit my website at -> Dr.Seshagirirao.com/

patch to Support to heart muscle,దెబ్బతిన్న గుండెకు పట్టీ అండ




వాషింగ్టన్‌: దెబ్బతిన్న గుండె కండరం వేగంగా కోలుకోవటానికి తోడ్పడే కొత్తరకం పట్టీని పరిశోధకులు సృష్టించారు. కండరాల్లో ఉండే ప్రోటీన్‌(కొలాజెన్‌)ను మార్పుచేసి కూర్చి దీనిని తయారుచేశారు. గుండె కండరం మీద అతికిస్తే దెబ్బతిన్న భాగం త్వరగా బాగవటానికిది తోడ్పడుతుంది. మన గుండె కండరం దెబ్బతింటే దానికి త్వరగా కోలుకునే సామర్థ్యం లేదు. అందువల్ల ఈ ప్రక్రియను ప్రోత్సహించటంపై పరిశోధకులు దృష్టి పెట్టారు. ఆ ప్రయత్నంలో భాగంగానే స్టాన్‌ఫోర్డ్‌ విశ్వవిద్యాలయం, ల్యూసైల్‌ పకార్డ్‌ చిల్డ్రన్స్‌ హాస్పిటల్‌ పరిశోధకులు మార్పుచేసిన కొలాజెన్‌తో కూడిన కొత్తరకం పట్టీని రూపొందించారు. దీన్ని ఎలుకల్లో దెబ్బతిన్న గుండె కండరంపై అతికించగా.. కొత్త కణాల పుట్టుక పుంజుకోవటమే కాదు, దెబ్బతిన్న భాగంలో రక్తనాళాలు కూడా పుట్టుకొచ్చినట్టు తేలింది. ఈ పట్టీ గుండె కండరంలో చనిపోయిన కణాల స్థానాన్ని భర్తీ చేయటానికి బదులు.. గుండె కణజాలం పైపొర స్థానాన్ని ఆక్రమిస్తుంది. కండర కణజాలం కాకపోయినప్పటికీ ఈ పొర గుండె కండరానికి దన్నుగా నిలుస్తుంది. దాన్ని కాపాడుతుంది.

  • =========================== 
Visit my website at -> Dr.Seshagirirao.com/

increase lifespan with gene change ,జన్యుమార్పుతో 20 శాతం అధిక ఆయుష్షు

  •  


  •  
వాషింగ్టన్‌ : జన్యుమార్పుతో మానవుల ఆయుష్షును పెంచుకోవడం సాధ్యమేనని చెబుతున్నారు అమెరికా నేషనల్‌ ఇన్‌స్టిట్యూట్స్‌ ఆఫ్‌ హెల్త్‌కి చెందిన పరిశోధకులు. ఆ లక్ష్యంగా సాగిన తమ పరిశోధనలతో చిట్టెలుక ఆయుష్షును 20 శాతం పెంచామని అంటున్నారు. ఈ ప్రయోగం మానవుల్లోనూ విజయవంతమైతే మామూలు కన్నా 16 ఏళ్లపాటు ఆయుష్షు పెరగవచ్చని చెబుతున్నారు. ముందుగా శాస్త్రవేత్తలు చిట్టెలుక జీవక్రియకు తోడ్పడే 'ఎం-టీఓఆర్‌' అనే జన్యువు 'వ్యక్తీకరణను' తగ్గించి దాని శక్తిని మందగించారు. మామూలు ఆడచిట్టెలుకలు 26.5 నెలలు జీవిస్తే.. జన్యుమార్పిడికి లోనైనవి 31.5 నెలలు జీవించాయట. వృద్ధాప్యంలోనూ మిగతావాటికంటే ఎక్కువ మేధస్సుతో, చురుగ్గానే ఉన్నాయట. అయితే.. జన్యుమార్పిడితో సమస్యలు లేకపోలేదు. సాధారణ చిట్టెలుకలకంటే వీటి ఆకారం కొద్దిగా చిన్నగానే ఉందట. వృద్ధాప్యంలో మేధోపరంగా మంచి చురుకుదనం ఉన్నా.. వీటి ఎముకలు తొందరగా క్షీణించాయని పరిశోధకులు చెబుతున్నారు.

  • =========================== 
Visit my website at -> Dr.Seshagirirao.com/

poverty may decrease intellicence,పేదరికం మేధోసామర్థ్యాన్ని తగ్గిస్తుంది

  •  
  •  
భారత్‌, అమెరికా అధ్యయనంలో వెల్లడి--
వాషింగ్టన్‌: సొమ్ములు తక్కువగా ఉంటే మేధోసామర్థ్యం కూడా తగ్గిపోతుందని తాజా అధ్యయనం చెబుతోంది. న్యూజెర్సీలోని ఓ షాపింగ్‌ మాల్‌కి వచ్చేవారు, భారత్‌లోని రైతులపై నిర్వహించిన ఓ సర్వేలో ఈ విషయం వెల్లడైనట్లు అంతర్జాతీయ పరిశోధక బృందం తెలిపింది. ఆర్థిక ఒత్తిడి వల్ల ఆలోచనలు నెమ్మదిస్తాయని చివరికి నిద్రలేని రాత్రులు గడుపుతుంటారని చెప్పింది. ''మా పరిశోధన పేదరికం గురించి కాదు. అనుకున్న లక్ష్యాలు చేరుకోవడంలో ప్రజలు ఎంత ఆందోళన చెందుతున్నారనేది'' అని హార్వర్డ్‌ ఆర్థికవేత్త, పరిశోధక బృందం సభ్యుడు సెంథిల్‌ ముల్త్లెనాథన్‌ తెలిపారు. ఆర్థిక ఒత్తిడిలో ఉన్న వారు సొమ్ములు లేవన్న బాధతో ఉంటారని భావించాం.. కానీ వారిలో మేధో సామర్థ్యం తగ్గడం గుర్తించాం అని ఆయన వివరించారు. గడువు దాటిన చెల్లింపులు, అద్దె, రుణాలు వంటి వాటి గురించి అదే పనిగా ఆలోచించే వారి ఆలోచనలు ఇతర అంశాల మీదకు మళ్లుతున్నాయన్నారు. అధ్యయనంలో వేర్వేరు అంశాలపై వీరి ఐక్యూ పరీక్షించగా 13గా తేలిందని యూనివర్సిటీ ఆఫ్‌ కొలంబియా ప్రొఫెసర్‌ జియెంగ్‌ జావో తెలిపారు. అధ్యయనంలో భాగంగా సెంట్రల్‌ న్యూజెర్సీలోని క్వాకెర్‌ బ్రిడ్జ్‌ మాల్‌లో 400 మంది వినియోగదారులు, భారత్‌లోని 464 మంది చెరకు రైతులను పరిశీలించారు. ''న్యూజెర్సీలో 20వేల డాలర్లు ఆర్జించేవారిని 70వేల డాలర్లు ఆర్జించేవారితో పోల్చితే కారు మరమ్మత్తు బిల్లు చెల్లించడానికి పేద వర్గాలు ఎంతో ఆందోళన వ్యక్తంచేశాయి. భారత్‌లోని చెరకు రైతులు పంట వేయక ముందు పేదలుగా చేతికొచ్చాక ధనవంతులుగా భావించారు'' అని అధ్యయనంలో గుర్తించినట్లు జియెంగ్‌ పేర్కొన్నారు.

  • =========================== 
Visit my website at -> Dr.Seshagirirao.com/

Second language is good at older age,రెండోభాష... మలిదశలోనే మేలు!

  •  


  •  
టొరంటో : పిల్లలకు మాతృభాష కాకుండా రెండో భాషను శైశవదశలో కంటే మలిబాల్యదశలో నేర్పించడం మంచిదని కెనడా శాస్త్రవేత్తలు చెబుతున్నారు. ఇది వారి మేధోశక్తిని పెంచుతుందని... ఇందుకు అనుగుణంగా వారి మెదడు నిర్మాణం కూడా మారుతుందని వివరిస్తున్నారు. కెనడా మాంట్రియల్‌లోని న్యూరోలాజికల్‌ ఇన్‌స్టిట్యూట్‌ అండ్‌ హాస్పిటల్‌, మెక్‌గిల్‌ విశ్వవిద్యాలయంలోని ది న్యూరో, ఆక్స్‌ఫర్డ్‌ విశ్వవిద్యాలయానికి చెందిన పరిశోధకులు సంయుక్తంగా ఈ అధ్యయనం చేశారు. రెండు భాషలు నేర్చిన 66 మంది, ఒక్క భాష మాత్రమే తెలిసిన 22 మంది మెదడును ఎంఆర్‌ఐ స్కాన్‌ తీశారు. వాటిని విశ్లేషించేందుకు 'ది న్యూరో' సంస్థ రూపొందించిన సరికొత్త సాఫ్ట్‌వేర్‌ వాడారు. మొదట మాతృభాష నేర్చుకుని.. కొన్నేళ్ల తర్వాత ఇతర భాషలు నేర్చుకున్న పిల్లల మెదడులోని ఎడమపక్క ఇన్‌ఫీరియర్‌ ఫ్రంటల్‌ కార్టెక్స్‌ దళసరిగా మారడం గమనించారట. కుడిపక్క కార్టెక్స్‌ పలుచనవడం చూశారట. ఇటువంటి 'నిర్మాణం' పిల్లల్లో ఒకేసారి విభిన్నపనులు చేయగల సామర్థ్యం పెంచుతుందని శాస్త్రవేత్తలు చెబుతున్నారు.


  • ===========================
 Visit my website at -> Dr.Seshagirirao.com/

24 October 2013

Coffee reduce tendency for suicide,ఆత్మహత్యలకు 'కాఫీ' కళ్లెం



వాషింగ్టన్‌: రోజూ కాఫీ తాగితే ఆత్మహత్య ముప్పు సగానికి సగం తగ్గుతున్నట్టు హార్వర్డ్‌ విశ్వవిద్యాలయం అధ్యయనంలో తేలింది. కాఫీలోని కెఫీన్‌ మెదడులోని రసాయనాల్లో కీలక పాత్ర పోషిస్తోందని పరిశోధకులు తెలిపారు. గతంలో జరిగిన మూడు పెద్ద అధ్యయనాలను తాజాగా సమీక్షించి ఈ విషయాన్ని గుర్తించారు. తక్కువ కాఫీ తాగేవారితో, అసలే ఆ అలవాటులేని వారితో పోలిస్తే.. రోజుకి రెండు నుంచి నాలుగు కప్పుల కాఫీ తాగినవారికి ఆత్మహత్య ముప్పు 50% తక్కువగా ఉంటున్నట్టు గుర్తించారు. కెఫీన్‌ కేంద్ర నాడీ వ్యవస్థను ప్రేరేపించటమే కాదు.. మెదడులో నాడీ సమాచారాన్ని చేరవేసే సెరటోనిన్‌, డొపమైన్‌ వంటి కొన్ని రసాయనాలను ఉత్పత్తి చేయటం ద్వారా ఒక మాదిరి కుంగుబాటు నివారణిగానూ పనిచేస్తోందని పరిశోధకులు వివరించారు. కాఫీ తాగేవారికి కుంగుబాటు ముప్పు తక్కువగా ఉంటున్నట్టు గత అధ్యయనాల్లో తేలిన సంగతిని ఇది విశ్లేషిస్తోందన్నారు. అయితే కుంగుబాటు బారినపడ్డవాళ్లు కెఫీన్‌ ఎక్కువగా తీసుకోవాలనేది దీనర్థం కాదని పేర్కొన్నారు.

===========================
 Visit my website at -> Dr.Seshagirirao.com/

Treatment for Diabetes-joint pains with dental stem cells,మధుమేహం-కీళ్లనొప్పులకు దంతమూలకణాలతో చికిత్స

  •  



ముంబయి: దంతాల నుంచి సేకరించిన మూలకణాలతో పలురకాల వ్యాధులను నయం చేయవచ్చని వైద్య నిపుణులు అంటున్నారు. ముఖ్యంగా.. కణజాల, అవయవ సంబంధిత రుగ్మతలైన మధుమేహం, కీళ్లనొప్పులకు వీటితో చికిత్సను అందించవచ్చని తెలిపారు. ముంబయిలోని స్టిమేడ్‌ ప్రైవేట్‌ డెంటల్‌ స్టెమ్‌సెల్స్‌ బ్యాంక్‌కు చెందిన ఈ నిపుణులు.. మూడేళ్లుగా దంత మూలకణాలను సేకరించి భద్రపరుస్తున్నారు. వాటిని మైనస్‌ 150 డిగ్రీల వద్ద క్రయోజెనిక్‌ ట్యాంకుల్లో భద్రపరుస్తామని తెలిపారు. వ్యాధుల చికిత్సకు అవసరమైనప్పుడు.. ఆయావ్యక్తులు తమ దంతమూలకణాలను తిరిగి తీసుకొని వ్యాధుల నుంచి విముక్తి పొందుతున్నారని పేర్కొన్నారు.

  • ===========================
Visit my website at -> Dr.Seshagirirao.com/

Low cost Tea bad for health,చవకగా దొరికే తేనీరుతో ఆర్యోగానికి చేటు

  •  



లండన్‌: ఉల్లాసం కోసం తాగే తేనీటి విషయంలో జాగ్రత్తలు తీసుకోకపోతే తిప్పలు తప్పవు. చవకగా దొరికే తేనీటితో ఎముకలు, దంతాల సమస్యలు వస్తాయని పరిశోధకులు తేల్చారు. సూపర్‌ మార్కెట్టులో వివిధ బ్రాండ్‌ పేర్లతో లభించే తేనీటి మిశ్రమ పదార్థాలలో ఫ్లోరైడ్‌ ఉండి వాటిని ఎక్కువ మొత్తంలో వాడితే దంతాలు, ఎముకల సమస్యలు కొనితెచ్చుకున్నట్లేనని పరిశోధకులు చెబుతున్నారు. సూపర్‌ మార్కెట్టులలో లభించే 38 రకాల తేనీటి మిశ్రమాలను, అమెరికాకు చెందిన నేషనల్‌ అకాడమీ ఆఫ్‌ సైన్సెస్‌(ఎన్‌ఏఎస్‌)కు సంబంధించిన ఆహార నమూనాను ఆధారంగా తీసుకుని ఈ పరిశోధన నిర్వహించారు. ఈ పరిశోధనలో భారత సంతతికి చెందిన వ్యక్తి అరాధన మెహ్ర కూడ పాలుపంచుకున్నారు. తేనీరు, డ్రై టీ, బ్లాక్‌, ఇతర రకాల తేనీటి కషాయాలను రెండు నిమిషాలు మరిగించి, సాధారణంగా రోజూ తీసుకునే తేనీటి సరాసరితో పోల్చి చూశారు. ఆ మిశ్రమాలలో చెప్పుకోదగ్గ స్థాయిలో ఫ్లోరైడ్లను గుర్తించినట్లు పరిశోధనకు నేతృత్వం వహించిన లారా చౌన్‌ తెలిపారు. బ్లాక్‌ టీకి సంబంధించిన మిశ్రమాన్ని పరిశీలిస్తే లీటర్‌లో ఉండాల్సిన ఆరు మిల్లీగ్రాముల కంటే ఎక్కువ ఫ్లోరైడ్‌ గాఢత ఉన్నట్లుగా గుర్తించారు
  • =========================== 
Visit my website at -> Dr.Seshagirirao.com/

New treatment for asthma,ఆస్థమాకు కొత్త చికిత్స




వాషింగ్టన్‌: వ్యాధిలో కీలక పాత్ర పోషించే ఎంజైమ్‌ గుర్తింపు. గుండె జబ్బులో పాత్ర ఉన్న ఒక ఎంజైమ్‌ను లక్ష్యంగా చేసుకోవడం ద్వారా ఆస్థమాకు మెరుగైన చికిత్స చేయవచ్చని అమెరికాలోని అయోవా విశ్వవిద్యాలయ శాస్త్రవేత్తలు తేల్చారు. పరిశోధన బృందంలో భారత సంతతి శాస్త్రవేత్త కూడా ఉన్నారు. సీఏఎంకే2 అనే ఈ ఎంజైమ్‌కు శ్వాసమార్గంలో ఆక్సీకరణానికి సంబంధించిన హానికారక ప్రభావాలతో సంబంధం ఉందని వీరు గుర్తించారు. ఇది ఆస్థమా లక్షణాలను ప్రేరేపిస్తుందని తెలిపారు. సీఏఎంకేఈ2ను లక్ష్యంగా చేసుకొని మందులు తయారుచేయడానికి ఈ పరిశోధన వీలు కల్పిస్తుందని తెలిపారు.

ఆస్థమా.. ప్రపంచవ్యాప్తంగా కోట్లమందిని పీడిస్తోంది. అయినా చికిత్స పరంగా స్టెరాయిడ్లు మాత్రమే ఉంటున్నాయి. వీటివల్ల ఇతరత్రా ఇబ్బందులు ఎదురవుతుంటాయి. ప్రస్తుత చికిత్స విధానాలు సరిగా పనిచేయడంలేదని పరిశోధనలో పాలుపంచుకున్న మార్క్‌ ఆండర్సన్‌ తెలిపారు. సీఏఎంకే2ను అడ్డుకోవడం ద్వారా అలర్జిక్‌ ఆస్థమాకు మెరుగైన చికిత్స చేయవచ్చని వివరించారు. ఈ ఎంజైమ్‌.. గుండె కండరాల కణాల ఆక్సీకరణంలో కీలక పాత్రషోషిస్తోందని, దీనివల్ల గుండె జబ్బులు, గుండెపోటు వస్తోందని లోగడ తేలిందన్నారు. శ్వాసకోశ వ్యవస్థ ఆక్సీకరణంలోనూ దీనికి పాత్ర ఉండొచ్చని తమకు అనిపించిందని తెలిపారు. తొలుత వీరు ఈ ఎంజైమ్‌ను ఎలుకల శ్వాసనాళ కండర కణాల్లో పరీక్షించారు. అయితే పెద్దగా ప్రభావం కనిపించలేదు. ఆ తర్వాత ఎంజైమ్‌ను శ్వాస నాళం లైనింగ్‌ (ఎపిథీలియల్‌) కణాల్లో పరీక్షించారు. ఎంజైమ్‌ను అడ్డుకున్న ఎలుకల్లో సీఎఎంకే2 ఆక్సీకరణం తక్కువగా ఉందని గుర్తించారు. వీటిలో శ్వాసనాళం కండరం కుంచించుకుపోవడంగానీ, ఆస్థమా లక్షణాలు గానీ కనిపించలేదు. ఎంజైమ్‌ను అడ్డుకోని ఎలుకల్లో మాత్రం ఆక్సీకరణ ఒత్తిడి ఎక్కువగా ఉందని. ఫలితంగా శ్వాసనాళం కుంచించుకుపోయి ఆస్థమా లక్షణాలు కనిపించాయి.

  • ===========================
 Visit my website at -> Dr.Seshagirirao.com/

Device to detect disolved fat,కరిగే కొవ్వును తెలిపే పరికరం

  •  







  •  
టోక్యో: ఫిట్‌నెస్‌ కోసం తీవ్రంగా శ్రమించేవారు.. ఎప్పటికప్పుడు ఫలితాన్ని తెలుసుకునే అవకాశం అందుబాటులోకి రానుంది. బరువు కొలిచే యంత్రాలతో అవసరం లేకుండానే ఈ పని చేయొచ్చు. శరీరంలో ఎంతమేర కొవ్వు కరిగిందనేది అప్పటికప్పుడు తక్షణమే వెల్లడించే కొత్త పరికరాన్ని శాస్త్రవేత్తలు రూపొందించారు. జేబులో పట్టేంత పరిమాణంలో ఉండే ఈ ప్రత్యేక పరికరాన్ని జపాన్‌ శాస్త్రవేత్తలు తీర్చిదిద్దారు. ఇందులో ఉండే సెన్సర్‌ ఒక వ్యక్తి వ్యాయామం సందర్భంగా ఎంతమేర కొవ్వును కరిగించాడనేది గుర్తిస్తుందని పేర్కొన్నారు. శ్వాసలో వెలువడే అసిటోన్‌ స్థాయులను కొలవడం ద్వారా ఈ పరికరం పనిచేస్తుంది. కొవ్వు కరిగినప్పుడు రక్తంలో అసిటోన్‌ ఉత్పత్తి జరుగుతుంది. అది ఊపిరితిత్తుల్లో సూక్ష్మతిత్తుల గుండా విడుదలవుతుంది. శ్వాస వదిలినప్పుడు బయటికి వస్తుంది. ఎన్‌టీటీ డొకోమో రీసెర్చి ల్యాబరేటరీస్‌కు చెందిన పరిశోధకులు ఈ పరికరాన్ని రూపొందించారు. నిశ్వాసను గుర్తించేందుకు ఇందులో ఒత్తిడి సెన్సర్‌ ఉంటుంది. అసిటోన్‌ను గుర్తించేందుకు రెండు రకాల సెమీకండక్టర్‌ ఆధారిత గ్యాస్‌ సెన్సర్లు ఉంటాయి. ఒక వ్యక్తి శ్వాస వదలగానే పరికరం అసిటోన్‌ గాఢత స్థాయులను లెక్కించి 10 క్షణాల్లో స్మార్ట్‌ఫోన్‌కు వివరాలను పంపుతుంది.(6:48 PM 24-Oct-13)
  • =========================== 
Visit my website at -> Dr.Seshagirirao.com/

Breast feeding prevent mother from depression,పిల్లలకు పాలిస్తే తల్లుల్లో కుంగుబాటు దూరం

  •  


  •  
లండన్‌: పిల్లలకు పాలివ్వటం తల్లులకూ మేలు చేస్తుందని నిపుణులు చాలాకాలంగా చెబుతున్నదే. ఇప్పుడు దీని గురించి మరో కొత్త సంగతి బయటపడింది. పిల్లలకు పాలివ్వటం వల్ల తల్లుల మెదడులో విటమిన్‌ ఏ పోగుపడటం ఆగుతుందని, ఫలితంగా వీరికి కుంగుబాటు ముప్పూ తగ్గుతుందని శాస్త్రవేత్తలు పేర్కొన్నారు. పాలిచ్చే తల్లుల నుంచి పిల్లలకు విటమిన్‌ ఏ అందుతుందని జాక్సన్‌ స్టేట్‌ విశ్వవిద్యాలయం పరిశోధకులు గుర్తించారు. లేకపోతే బాలింతల మెదళ్లలో విటమిన్‌ ఏ పేరుకొని కుంగుబాటును ప్రేరేపిస్తుందని కనుగొన్నారు. పిల్లల ఎదుగదలకు విటమిన్‌ ఏ ఎంతో అవసరం. అందువల్ల ఇది గర్భిణుల్లో పెద్ద మోతాదుల్లో నిల్వ ఉంటుంది. ఒకవేళ కాన్పు తర్వాత తొలినాళ్లలో తల్లులు శిశువులకు పోతపాలు పడితే కుంగుబాటుకు దారితీయొచ్చని నిపుణులు హెచ్చరించారు. సుమారు 80% మంది బాలింతలు స్వల్ప కుంగుబాటు బారినపడే అవకాశముంది. ఇందుకు హార్మోన్ల మార్పులు దోహదం చేస్తున్నాయని కొందరు నిపుణులు భావిస్తున్నారు. అయితే కుటుంబంలో ఎవరైనా కుంగుబాటు బారినపడటం, వేధింపులు లేదా మానసిక అస్వస్థత, పొగ తాగటం, మద్యం అలవాటు వంటివీ దీనికి తోడ్పడతాయి.
  • =========================== 
Visit my website at -> Dr.Seshagirirao.com/

Flu vaccine good for Heart,ఫ్లూ టీకాతో గుండెకూ మేలు





టొరంటో: ఫ్లూ టీకా వేసుకుంటే ఇన్‌ఫ్లూయెంజా మూలంగా వచ్చే తీవ్ర సమస్యల బారినపడకుండా చూసుకోవచ్చని తెలిసిందే. దీని గురించిన మరో మంచి విషయం తాజాగా బయటపడింది. ఇది గుండెజబ్బు బారినపడ్డవారిలో పక్షవాతం, గుండెపోటు ముప్పులనూ సగానికి తగ్గిస్తున్నట్టు టొరంటో విశ్వవిద్యాలయం పరిశోధకులు గుర్తించారు. మరింత శక్తిమంతమైన టీకా తీసుకున్నవారికి ఈ రక్షణ ఇంకా ఎక్కువగా లభిస్తున్నట్లూ తేలింది. గుండెజబ్బు గలవారికి ఫ్లూ టీకా గుండెపోటు రాకుండా కాపాడుతున్నట్టు తమ పరిశోధన ఫలితాలు గట్టిగా చెబుతున్నాయని అధ్యయన నేత డాక్టర్‌ జేకబ్‌ ఉడెల్‌ తెలిపారు. అయితే గుండెపోటు ముప్పును తగ్గించే చికిత్సగా ఫ్లూ టీకాను ఇవ్వచ్చో లేదో అనేదానిపై పెద్ద ఎత్తున పరిశోధనలు జరగాల్సిన అవసరముందన్నారు

source : Eenadu News paper -6:32 AM 10/24/2013
  • =========================== 
Visit my website at -> Dr.Seshagirirao.com/

Coffee protect Liver,కాలేయానికి కాఫీ రక్ష




వాషింగ్టన్‌: రోజుకి మూడు కప్పుల కాఫీ తాగితే.. కాలేయ క్యాన్సర్‌ వచ్చే అవకాశం 50 శాతానికి పైగా తగ్గుతున్నట్టు తాజా అధ్యయనంలో బయటపడింది. అలాగే కాలేయ క్యాన్సర్‌ రకాలలో ఎక్కువగా కనబడే హెపటోసెల్యులార్‌ కార్సినోమా (హెచ్‌సీసీ) ముప్పూ సుమారు 40% మేరకు తగ్గుతున్నట్టు వెల్లడైంది. ప్రపంచంలో అతి ఎక్కువగా కనిపించే క్యాన్సర్లలో కాలేయ క్యాన్సర్‌ ఆరోది. మరణాలకు కారణమవుతున్న క్యాన్సర్లలో ఇది మూడోది. కాఫీ ఆరోగ్యానికి.. ముఖ్యంగా కాలేయానికి మంచిదనే గత అధ్యయనాలను తమ పరిశోధన మరింత బలపరిచిందని అధ్యయన నేత కార్లో లా వెచియా తెలిపారు. కాఫీలో మధుమేహ నివారణకు, కాలేయం గట్టిపడకుండా చేసే గుణాలు ఉన్నాయని.. ఇవే కాలేయ క్యాన్సర్‌ ముప్పు తగ్గటానికి దోహదం చేస్తుండొచ్చని అభిప్రాయపడ్డారు.

source : Eenadu News paper -6:32 AM 10/24/2013
  • =========================== 
Visit my website at -> Dr.Seshagirirao.com/

smoking in pregnancy bad to babies,గర్భిణుల ధూమపానం చిన్నారులకు ప్రాణాంతకం




వాషింగ్టన్‌: గర్భిణులు కనుక విపరీతంగా పొగ తాగేస్తే...పుట్టబోయే పిల్లల్లో పలు ఆరోగ్యసమస్యలు ఉత్పన్నమౌతాయి. ముఖ్యంగా శ్వాసకోశ సంబంధ ఇన్‌ఫెక్షన్లు పిల్లలను బాధిస్తాయని తాజా అధ్యయనం వెల్లడించింది.చాలా సందర్భాల్లో తల్లుల ఈ దురలవాటు పిల్లల మృతికి కారణమవుతున్నట్లు పేర్కొంది. తల్లుల కుండే పొగతాగే అలవాటు ...చాలా సందర్భాల్లో పిల్లలకు ప్రాణాంతకమౌతోందని హెచ్చరించింది. 1987-2004 మధ్య కాలంలో జన్మించిన శిశువుల వైద్య రికార్డులను క్షుణ్ణంగా అధ్యయనం చేసిన మీదట తామీ నిర్ణయానికి వచ్చినట్లు పరిశోధకులు తెలిపారు. మొత్తం 50వేల మంది పిల్లల వైద్యరికార్డులను పరిశీలించామన్నారు. తల్లి ధూమపానం అలవాటు పర్యవసానంగా ప్రాణాలు కోల్పోయిన చిన్నారుల వైద్యరికార్డులను క్షుణ్ణంగా అధ్యయనం చేసినట్లు తెలిపారు.

source : Eenadu News paper -6:32 AM 10/24/2013
  • =========================== 
Visit my website at -> Dr.Seshagirirao.com/

Aids detecting application cum genr reader,గంటలో ఎయిడ్స్‌ను గుర్తించే మొబైల్‌ పరికరం

  •  

  •  


వాషింగ్టన్‌: అమెరికాకు చెందిన నానో టెక్నాలజీ సంస్థ తక్కువ ఖర్చుతో గంట వ్యవధిలోనే ఎయిడ్స్‌ నిర్ధరించే పరికరాన్నీ, యాప్‌ను రూపొందించింది. ఈ సంస్థకు భారత సంతతికి చెందిన శాస్త్రవేత్త నేతృత్వం వహించడం విశేషం. రక్తం, లాలాజలం లేదా శరీరంలోని ఇతర ద్రవాలను ఒక్క బొట్టు తీసుకుని నానోచిప్‌పై వేసి, 'జీన్‌-రీడర్‌'గా పిలిచే ఈ పరికరంలో పెడితే సరిపోతుంది. డాక్టర్‌ అనితాగోయెల్‌ ఛైర్మన్‌, సీఈవోగా వ్యవహరిస్తున్న బోస్టన్‌లోని 'నానోబయోసిమ్‌' సంస్థ ఈ పరికరాన్ని రూపొందించింది. తమ పరికరం 'గోల్డ్‌స్టాండర్డ్‌' పరీక్షను నిర్వహిస్తుందన్నారు. అమెరికాలో ఈ పరీక్షకు కనీసం రెండు వారాలు పట్టడమే కాకుండా, వ్యయం కూడా ఎక్కువే. జీన్‌-రీడర్‌ పరికరంతో చేపట్టే పరీక్ష తక్కువ ఖర్చుతో పూర్తవుతుందని అనిత చెప్పారు

source : Eenadu new paper 24.Oct.2013
  • ===========================
 Visit my website at -> Dr.Seshagirirao.com/

20 October 2013

colon cance with Sweets,తీపిపదార్థాలతో పేగు కేన్సర్‌

  •  







  •  
లండన్‌: బాగా తియ్యగా ఉండే ఆహారపదార్థాలను ఎక్కువగా తీసుకోవటం వల్ల పేగు కేన్సర్‌ వచ్చే ప్రమాదం ఉందని బ్రిటన్‌ శాస్త్రవేత్తలు హెచ్చరిస్తున్నారు. కేకులు, డ్రింకులు, క్రిస్పీలు, డెజర్ట్‌లు, బిస్కట్లు వంటివి మితిమీరి తింటే ఈ ప్రమాదం పొంచిఉంటున్నట్లు తమ అధ్యయనంలో వెల్లడైందని చెప్పారు. అబెర్‌దీన్‌, ఎడిన్‌బరో విశ్వవిద్యాలయాల శాస్త్రవేత్తలు సంయుక్తంగా ఈ అధ్యయనం నిర్వహించారు. దీంట్లో భాగంగా రెండువేలమంది పేగు కేన్సర్‌ బాధితుల ఆహార అలవాట్లను పరిశీలించారు.

  • ===========================
 Visit my website at -> Dr.Seshagirirao.com/

Camera recording of heart and breath rates,గుండె, శ్వాసక్రియ రేట్లను గుర్తించే కెమేరా

  •  



  •  
వాషింగ్టన్‌: సంక్లిష్ట అల్గారిథమ్‌లతో కూడిన సాధారణ వీడియో కెమేరా గుండె, శ్వాసక్రియ రేట్లను నిర్దిష్టంగా గుర్తించడంలో తోడ్పడుతుందని శాస్త్రవేత్తలు చెబుతున్నారు. ఆరోగ్యం విషయంలో కీలక సంకేతాలను గుర్తించే విషయంలో ఇది చవకైన పద్ధతి అనీ, రోగిని తాకుండానే వీటిని గుర్తించవచ్చని చెబుతున్నారు. టెలిమెడిసిన్‌ ప్రక్రియలో ఇది కీలక పరిణామంగా భావిస్తున్నారు. గుండెపోటు, పక్షవాతం వంటివాటిని ఇంటివద్దే గుర్తించడంలోనూ, ఆకస్మిక శిశు మరణాల వంటి సమస్యను నిర్ధరించడంలోనూ తోడ్పడుతుందని పరిశోధకులు చెబుతున్నారు. ఒక వ్యక్తి ఆరోగ్యం ఎలా ఉందనేది గుండె, శ్వాసక్రియ రేట్లే చెబుతాయని జార్జియా రీజెంట్స్‌ విశ్వవిద్యాలయానికి చెందిన పరిశోధకులు డాక్టర్‌ జో సియెన్‌ పేర్కొన్నారు. తాము రూపొందించిన అల్గారిథమ్‌లు వేగంగా, నిక్కచ్చిగా అంచనా వేస్తాయని స్పష్టం చేశారు. పరిశోధకులు తమ అధ్యయనంలో భాగంగా పలువురు ప్రముఖుల టీవీ దృశ్యాలను తమ పరికరంతో పరీక్ష చేసి చూశారు.(6:24 PM 20-Oct-13)
  • ===========================
 Visit my website at -> Dr.Seshagirirao.com/

Alcohol detection breath test , తాగుబోతు చోదకులను గుర్తించే కొత్త తరహా శ్వాస పరీక్ష పరికరం




వాషింగ్టన్‌: తాగి బండి నడిపే చోదకులను గుర్తించేందుకు కొత్తరకం చవకైన పరీక్ష పరికరాన్ని పరిశోధకులు తీర్చిదిద్దారు. శ్వాసను పరీక్షించినప్పుడు ఆల్కహాలు అధికమోతాదులో తాగి ఉంటే ఈ పరికరంలో పచ్చలైటు, వెంటనే ఎరుపు రంగులోకి మారిపోతోంది. ఇప్పుడున్న శ్వాసపరీక్ష పరికరాలన్నీ ఖరీదైనవనీ, ఆల్కహాల్‌ సాంద్రతను నిక్కచ్చిగా గుర్తించలేవని పరిశోధకులు పేర్కొన్నారు. కొత్త పరికరంలోని సెన్సర్‌ను తిరిగి ఉపయోగించవచ్చనీ, ఇది డిజిటల్‌ రూపంలోనూ ఫలితాన్నీ చూపుతుందని చెబుతున్నారు. రహదారుల పక్కన పోలీసులు ఉపయోగించే పరికరాల్లో లేని సౌకర్యాలు వీటిలో ఉంటాయనీ, ఆల్కహాలు మోతాదు చట్టపరంగా అనుమతించని స్థాయిలో ఉందా అనే విషయాన్ని వెంటనే తేల్చేస్తాయని ఇటలీకి చెందిన పరిశోధకులు రికార్డో పెర్నిస్‌ పేర్కొన్నారు.(6:08 PM 10-Oct-13)
  • ===========================
 Visit my website at -> Dr.Seshagirirao.com/

Repair of Tissue with blood vessel cells,రక్తనాళ కణాలతో అవయవాల మరమ్మతు





న్యూయార్క్‌: దెబ్బతిన్న లేదా జబ్బు బారిన పడిన అవయవాలను రక్తనాళ కణాలతో మరమ్మతు చేయవచ్చని శాస్త్రవేత్తలు చెబుతున్నారు. అవయవ దానం, అవయవ మార్పిడి వంటివి అవసరం లేకుండానే ఈ పద్ధతిలో చికిత్స జరిపే వీలుంది. రక్తకణాల నిర్మాణాన్ని తీర్చిదిద్దే ఎండోలీథియల్‌ కణాలు శక్తిమంతమైన జీవ యంత్రాల్లాంటివి. ఇవి ప్రయోజనకరమైన, అవయవ సంబంధ పరమాణువులను విడుదల చేయడం ద్వారా అవయవాల కణజాల పునరుత్పాదనను ప్రేరేపిస్తాయని శాస్త్రవేత్తలు పేర్కొన్నారు. ఎండోలీథియల్‌ కణాల్లోని క్రియాశీలక జన్యువులను డీకోడింగ్‌ చేయడం ద్వారా ఈ అంశాన్ని గుర్తించారు. అవయవాలు తమ రక్తనాళాలు, వాటి మరమ్మతు పరమాణువులను నిర్దేశిస్తాయన్న విషయాన్నీ ఈ పరిశోధనలో గుర్తించారు. తీర్చిదిద్దిన ఎండోలీథియల్‌ కణాలను ఇంజక్షన్‌ ద్వారా శరీరంలోకి అవసరమైన చోట ఎక్కించినప్పుడు గాయపడిన కణజాలంలోకి వెళ్లి, అవయవానికి మరమ్మతు సామర్థ్యాన్ని పెంచుతాయని అన్సారీ స్టెమ్‌సెల్‌ ఇనిస్టిట్యూట్‌, ట్రైసై స్టెమ్‌ సెంటర్‌కు చెందిన పరిశోధకులు ప్రొఫెసర్‌ షహీన్‌ రఫీ పేర్కొన్నారు.(6:05 PM 10-Oct-13)
  • =========================== 
Visit my website at -> Dr.Seshagirirao.com/

Enzyme acting as double edged Knife,రెండురకాలుగా వ్యవహరిస్తున్నఎంజైమ్‌




వాషింగ్టన్‌: హెచ్‌ఐవీ వంటి అత్యంత ప్రమాదకరమైన వైరస్‌లను ఎదుర్కొని శరీరానికి రక్షణ కల్పించే ఒక ఎంజైమ్‌.. కేన్సర్‌కు కారణమవుతోందని అమెరికా శాస్త్రవేత్తలు కనుగొన్నారు. సదరు ఎంజైమ్‌ వల్ల జరిగే డీఎన్‌ఏ ఉత్పరివర్తనాలు చివరికి కేన్సర్‌కు దారి తీస్తున్నాయని వారి పరిశోధనలో వెల్లడైంది. మిన్నెసోటా విశ్వవిద్యాలయానికి చెందిన ఈ శాస్త్రవేత్తలు 'ఏపీఓబీఈసీ3బీ' అనే ఎంజైమ్‌ పలు రకాల కేన్సర్లకు కారణమవుతోందని గుర్తించారు. ఈ పరిశోధకులు 19 రకాల కేన్సర్‌ కణితుల నమూనాలను విశ్లేషించి.. వాటిల్లో 'ఏపీఓబీఈసీ3బీ' ఎంజైమ్‌ ఉందా లేదా అన్నది పరిశీలించారు. ఈ మేరకు వారికి.. మూత్రాశయం, గర్భాశయం, తల, మెడ, రొమ్ముతోపాటు రెండురకాల వూపిరితిత్తుల కేన్సర్లలో 'ఏపీఓబీఈసీ3బీ' ఎంజైమ్‌ కీలకపాత్ర పోషిస్తున్నట్లు తెలిసింది. వాస్తవానికి, ఈ ఎంజైమ్‌ ఆరోగ్యంగా ఉండే కణజాలాలన్నింటిలోనూ తక్కువ మోతాదులో కనిపిస్తుంది. కానీ, కేన్సర్‌ కణజాలంలో మాత్రం దీని మోతాదు ఎక్కువగా ఉంటోందని పరిశోధకులు గుర్తించారు. రోగనిరోధక వ్యవస్థ ఉత్పత్తి చేసే 'ఏపీఓబీఈసీ3బీ' ఎంజైమ్‌ హెచ్‌ఐవీ వంటి ప్రమాదకరమైన వైరస్‌ల నుంచి ఆరోగ్యవంతమైన కణాల్ని కాపాడుతుంది. ఓవైపు ఈ విధంగా రక్షణ కల్పిస్తూనే ఇది కేన్సర్‌కు కారణమవుతుందని తాజా పరిశోధనల ద్వారా వెల్లడైంది. ఈ ఎంజైమ్‌ రెండువైపులా పదునున్న కత్తి వంటిదని, దీంతో లాభం ఉన్నట్లే, నష్టం కూడా ఉందని.. ఈ మేరకు దీనిని నియంత్రించాల్సి ఉంటుందని శాస్త్రవేత్తలంటున్నారు.
  • =========================== 
Visit my website at -> Dr.Seshagirirao.com/

Fat genes change with exercise,వ్యాయామంతో 'కొవ్వు' జన్యువుల మార్పు


[Obesity+belly.jpg]
cycling as Exercise -------------------------------------------Fatty body ..genetical origin.
  •  
శరీరంలో ఎక్కువగా ఉన్న కేలరీలు ఖర్చు కావటానికి వ్యాయామాన్ని మించిన మార్గం లేదన్నది తెలిసిందే. కానీ దీని ప్రభావాలు మరింత లోతుగా.. ఆ మాటకొస్తే శరీరంలో కొవ్వు పేరుకుపోయే విధానాన్నే మార్చేస్తుందని మీకు తెలుసా? ఆరునెలల పాటు సైక్లింగ్‌ లేదా ఏరోబిక్స్‌ వంటి వ్యాయామాలు చేస్తే.. కొవ్వు పేరుకుపోవటంలో, వూబకాయం రావటంలో పాలు పంచుకునే జన్యువుల పనితీరు మారిపోయినట్టు స్వీడన్‌ పరిశోధకులు గుర్తించారు. రక్తంలోని చక్కెరను కొవ్వు కణాల్లో పోగుపడేలా చేసే జన్యువుల పని వేగాన్నీ వ్యాయామం తగ్గిస్తున్నట్టు తేలింది. నిజానికి తల్లిదండ్రుల నుంచి పిల్లలకు సంక్రమించే జన్యువులు జీవితాంతం మారటమంటూ ఉండదు. కానీ అన్ని జన్యువులు అన్ని సమయాల్లో చురుకుగా ఉండవు. కొన్ని కణాల్లో కొన్ని జన్యువులే చురుకుగా పనిచేస్తాయి. మెథీలేషన్‌ అనే ప్రక్రియ ఇలా జన్యువులు పనిచేయటాన్ని, ఆపేయటాన్ని నియంత్రిస్తుంది. వ్యాయామం వల్ల 7వేల జన్యువులు ప్రభావితం అవుతున్నట్టు పరిశోధకులు గుర్తించారు. శరీరంలో కొవ్వు పేరుకోవటానికి దోహదం చేసే జన్యువులూ ఇందులో ఉన్నాయి. వీటిల్లో రెండు కీలక జన్యువులు రక్తంలోని కొవ్వు ఆమ్లాల మోతాదులనూ తగ్గిస్తున్నట్టు తేలింది. వ్యాయామం వీటి పనితీరును మార్చటం ద్వారా శరీరంలో కొవ్వు పెరగకుండా చూస్తోందన్నమాట. రక్తంలో కొవ్వు మోతాదులు ఎక్కువుంటే మధుమేహం ముప్పు పొంచి ఉన్నట్టే. అందువల్ల వ్యాయామంతో మధుమేహం ముప్పు ఎందుకు తగ్గుతుందో అర్థం చేసుకోవటానికి ఈ అధ్యయనం తోడ్పడగలదని భావిస్తున్నారు. అలాగే ఈ జన్యువులను లక్ష్యంగా చేసుకొని పనిచేసే మందుల రూపకల్పనకూ దారితీస్తుందని ఆశిస్తున్నారు.

  • ===========================
 Visit my website at -> Dr.Seshagirirao.com/

Diabetes increses chances of Alzemer,అల్జీమర్స్‌ ముప్పు పెంచే మధుమేహం

  •  


  •  
వాషింగ్టన్‌: ఒక సమస్య మరో సమస్యకు దారితీయవచ్చని పరిశోధకులు చెబుతున్నారు. మధుమేహంతో అల్జీమర్స్‌ ముప్పు పెరిగే ముప్పుంటుందని స్పష్టం చేశారు. జార్జిటౌన్‌ విశ్వవిద్యాలయం పరిశోధకులు స్కాట్‌ టర్నర్‌ తమ అధ్యయనంలో భాగంగా పలువురు అల్జీమర్స్‌ బాధితుల్ని పరిశీలించగా, వారిలో చాలామందిలో ముందస్తు మధుమేహం లక్షణాలు బయటపడ్డాయి. మధుమేహం అల్జీమర్స్‌ ముప్పును పెంచుతోందనీ, గ్లూకోజ్‌ సున్నితత్వాన్ని మెరుగుపరిస్తే.. మధుమేహం, అల్జీమర్స్‌ రెండింటినీ మరికొంత ఆలస్యం చేయవచ్చని టర్నర్‌ పేర్కొన్నారు. అల్జీమర్స్‌ బాధితులందరికీ గ్లూకోజ్‌ టాలరెన్స్‌ పరీక్ష చేయించడం మేలని తమ అధ్యయనం ద్వారా అవగతమవుతోందని టర్నర్‌ స్పష్టం చేశారు.v
  • =========================== 
Visit my website at -> Dr.Seshagirirao.com/

parents obesity inherit to children,తండ్రుల వూబకాయం పిల్లలకు






మెల్‌బోర్న్‌: తండ్రి వూబకాయుడైతే.. వారి పిల్లలకూ అధిక బరువు ముప్పు పొంచి ఉంటుందని ఆస్ట్రేలియా పరిశోధకులు తమ తాజా అధ్యయనంలో గుర్తించారు. స్థూలకాయుడైన తండ్రి శుక్రకణాల్లోని పరమాణు సంకేతాలు.. సంతానంలో రెండు తరాల వరకూ మధుమేహం తరహా లక్షణాలనూ, స్థూలకాయాన్నీ కలిగిస్తున్నట్లు అడిలైడ్‌ విశ్వవిద్యాలయం బృందం పరిశోధనలో వెల్లడైంది. చిన్నారులు ఆరోగ్యకరమైన ఆహారం తీసుకున్నా ఇలాంటి సమస్య తప్పటం లేదని గుర్తించారు. ఇలాంటి లంకెను గుర్తించడం తొలిసారి అని పరిశోధకులు టాడ్‌ ఫుల్‌స్టాన్‌ పేర్కొన్నారు. తండ్రి ఆహార అలవాట్లు వీర్యంలోని మాలిక్యులర్‌ మేకప్‌లో మార్పులకు దారితీస్తున్నట్లు వివరించారు. వూబకాయం కారణంగా.. తండ్రుల వీర్యం, మైక్రోఆర్‌ఎన్‌ఏ పరమాణువుల్లో మార్పులు తలెత్తడం వల్ల స్థూలకాయం దిశగా పిండంలోనే మార్పులు సంభవించడంగానీ లేదా జీవిత అనంతర కాలంలో జీవక్రియ వ్యాధికి కారణంగానీ కావచ్చని ఫుల్‌స్టాన్‌ వివరించారు. తండ్రికి మధుమేహం లేకపోయినా, తర్వాతి రెండు తరాలకు సంక్రమించే లక్షణం ఉన్నట్లు వివరించారు. ప్రస్తుతానికి ఎలుకలపై ప్రయోగాలు చేపట్టామనీ, తర్వాతి దశలో మనుషులపైనా పరిశీలిస్తామని చెప్పారు.

  • ===========================
 Visit my website at -> Dr.Seshagirirao.com/

Lemon(citrus fruit) fights against liver cancer,కాలేయ క్యాన్సర్‌పై నిమ్మ పోరాటం

  •  



నారింజ, నిమ్మలోని విత్తనాలు చాలా చేదుగా ఉంటాయి గానీ వీటికి కాలేయ క్యాన్సర్‌ను తగ్గించే శక్తి ఉందని పరిశోధకులు గుర్తించారు. వీటిల్లోని లిమోలిన్‌ అనే పదార్థం ఇందుకు తోడ్పడుతున్నట్టు తమిళనాడులోని విశ్వవిద్యాలయాల పరిశోధకుల బృందం కనుగొంది. దీన్ని కాలేయ క్యాన్సర్‌ బారినపడేలా సృష్టించిన ఎలుకలకు ఇచ్చినపుడు అవి జబ్బు నుంచి కోలుకున్నట్టు తేలింది. నిజానికి లిమోలిన్‌ నేరుగా కణితులపై పనిచేయటం లేదు. రోగనిరోధక వ్యవస్థను బలోపేతం చేసి క్యాన్సర్‌పై పోరాడేలా తీర్చి దిద్దుతోంది. ఇది యాంటీఆక్సిడెంట్ల మోతాదునూ పెంచి, విశృంఖల కణాలను తగ్గిస్తున్నట్టూ బయట పడింది.
  • ===========================
 Visit my website at -> Dr.Seshagirirao.com/

Urine test to detect gene of eye disease,మూత్రపరీక్షతో నేత్ర వ్యాధికి కారణమయ్యే జన్యువుల గుర్తింపు






వాషింగ్టన్‌: వారసత్వంగా వచ్చే ఓ నేత్ర వ్యాధికి కారణమయ్యే జన్యు ఉత్పరివర్తనాన్ని మూత్రపరీక్ష ద్వారా గుర్తించవచ్చని శాస్త్రవేత్తలు చెబుతున్నారు. ఈ వ్యాధితో దృష్టిలోపం, అంధత్వం వంటి సమస్యలూ తలెత్తుతాయి. ఫ్లోరిడాలోని బాస్కామ్‌ పామర్‌ నేత్ర కేంద్రానికిచెందిన పరిశోధకులు డాక్టర్‌ రాంగ్‌ వెన్‌, డాక్టర్‌ బైరాన్‌ ల్యామ్‌ డ్యూక్‌ విశ్వవిద్యాలయానికి చెందిన పరిశోధకులు జిక్వియాంగ్‌ గువాన్‌తో కలిసి ఈ పరిశోధన చేపట్టారు. ఈ పరిశోధనలో భాగంగా.. రెటినైటిస్‌ పిగ్మెంటోసా (ఆర్‌పీ) అనే కంటి వ్యాధితో బాధపడుతున్న కుటుంబం నుంచి సేకరించిన కణాలను విశ్లేషించారు. ఈ కుటుంబానికి చెందిన జీనోమ్‌ సీక్వెన్స్‌ను అంతకుముందే పూర్తిచేసి ఉండటంతో వాటితో పోల్చిచూశారు. ఈ విషయంలో రక్తపరీక్షలకన్నా మూత్రపరీక్షలు మెరుగైన ఫలితాలను ఇచ్చాయనీ, 'డోలికాల్‌ ప్రొఫైలింగ్‌'లో మూత్రపరీక్ష మంచి ఫలితం ఇస్తున్నట్లు పరిశోధకులు స్పష్టం చేశారు.
  • ===========================
 Visit my website at -> Dr.Seshagirirao.com/

Stomach hormones cures Obesity,పొట్ట హార్మోన్లతో స్థూలకాయం మాయం

  •  

  •  
మెల్‌బోర్న్‌: పొట్టలో ఉన్న రెండు హార్మోన్ల మోతాదును పెంచటం ద్వారా స్థూలకాయాన్ని తగ్గించవచ్చని ఒక అధ్యయనంలో తేలింది. ఆస్ట్రేలియాలోని సిడ్నీకి చెందిన గార్వెన్‌ ఇన్‌స్టిట్యూట్‌ ఆఫ్‌ మెడికల్‌ రీసెర్చ్‌ శాస్త్రవేత్తలు ఎలుకలపై ఈ పరిశోధన నిర్వహించారు. ఎలుకల్లోకి ''పీవైవై3-36'', ''పీపీ'' అనే రెండు రకాల హార్మోన్లను వారు పంపించారు. అనంతరం వాటిని పరిశీలించినప్పుడు.. ఎలుకలు అంతకుముందుకన్నా తక్కువగా తింటున్నాయని, వాటిలో కొవ్వు తక్కువగా పేరుకుపోయిందని, ఇన్సులిన్‌ నిరోధకత (మధుమేహానికి ముందు కనిపించే లక్షణం) అలవడలేదని వెల్లడైంది. సాధారణంగా మనం ఆహారం తీసుకునేటప్పుడు పొట్ట నిండినట్లు అనిపించగానే ఆ సందేశాన్ని పీవైవై3-36, పీపీ హార్మోన్లే మెదడుకు అందజేస్తుంటాయి. వీటివల్లే తినటాన్ని ఆపేస్తాం. ఈ హార్మోన్ల ఆధారంగా స్థూలకాయానికి మందులను తయారుచేయటానికి ఔషధ కంపెనీలు ఇప్పటికే ప్రయత్నాల్లో ఉన్నాయి. అయితే, వీటి ప్రభావం అణుస్థాయిలో మెదడుపై ఎలా ఉంటుందన్నది ఆస్ట్రేలియా శాస్త్రవేత్తల పరిశోధన ద్వారా తొలిసారిగా తెలిసింది.
  • =========================== 
 Visit my website at -> Dr.Seshagirirao.com/

19 October 2013

use of Calcium , క్యాల్షియం ఎముకలకే కాదు

  •  

  •  
 use of Calcium
 క్యాల్షియం ఎముకలకే కాదు..మన ఎముకలు, దంతాలు దృఢంగా ఉండటానికి క్యాల్షియం ఎంతో అవసరం. నాడీ సంకేతాల ప్రసారానికి, రక్తం గడ్డకట్టటానికి, గుండె చేసే పనుల్లో సహాయ పడటానికి, ఎంజైమ్‌లు పనిచేయటానికి కూడా క్యాల్షియం తోడ్పడుతుంది. ఇది ముఖ్యంగా చిన్నపేగుల ద్వారా శరీరానికి అందుతుంది.
  • ===========================
 Visit my website at -> Dr.Seshagirirao.com/

Increase in Lifespan with walking,నడకతో ఆయుష్షు పెరుగుదల

  •  



  •  
నడక మంచి వ్యాయామనటంలో ఎలాంటి సందేహమూ లేదు. ఇది రక్తపోటు, గ్లూకోజు నియంత్రణలో ఉండటానికే కాదు.. ఆయుష్షు పెరగటానికీ తోడ్పడుతుందని మీకు తెలుసా? రోజుకి కేవలం 15 నిమిషాలు నడిచినా మంచి ఫలితం కనబడుతున్నట్టు, వీరికి క్యాన్సర్‌తో మరణం సంభవించే ముప్పు 10% తగ్గుతున్నట్టు బయటపడింది. అంతేకాదు.. ఎలాంటి కారణంతో వచ్చే మరణం ముప్పైనా 14% తగ్గుతున్నట్టు, జీవనకాలం మూడేళ్లు పెరుగుతున్నట్టు తేలింది. తైవాన్‌లో 4 లక్షలకు పైగా ప్రజలపై అధ్యయనం చేసి ఈ విషయాన్ని గుర్తించారు. ఎంత ఎక్కువగా నడిస్తే అంత ఎక్కువ ప్రయోజనం కనబడుతోంది కూడా. ప్రతి 15 నిమిషాల అదనపు నడకతో (అంటే 15 నిమిషాలు నడిచేవారు 30 నిమిషాలు నడిస్తే) క్యాన్సర్‌తో వచ్చే మరణం ముప్పు మరో 1% ఎక్కువగా తగ్గుతుండగా.. ఇతర అన్ని కారణాలతో సంభవించే మరణం ముప్పు 4% అధికంగా తగ్గుతోంది. ఈ నడక ప్రయోజనాలు అన్ని వయసుల వారిలోనూ ఒకే విధంగా కనబడుతుండటం విశేషం. ఇక రోజుకి సగటున 6 గంటల పాటు టీవీ చూసేవారిలో జీవనకాలం ఐదేళ్లు పడిపోతున్నట్టు బ్రిటన్‌లో చేసిన మరో అధ్యయనంలో బయటపడింది. 25 ఏళ్లు పైబడినవారిలో టీవీ చూస్తూ గడుపుతున్న ప్రతి గంట కాలానికీ సుమారు 22 నిమిషాల ఆయుష్షు తగ్గుతున్నట్టు పరిశోధకులు గుర్తించారు. టీవీ చూడటం వల్ల కలిగే దుష్ప్రభావాలు రెండు సిగరెట్లను కాల్చటంతో వాటిల్లే అనర్థాలతో సమానంగా ఉంటుండటం గమనార్హం.
  • =========================== 
 Visit my website at -> Dr.Seshagirirao.com/

12 October 2013

Smoking reduce 10years lifespan,ధూమపానంతో 10ఏళ్ల జీవితం ఉఫ్‌


  •  

  •  
మెల్‌బోర్న్‌: ధూమపానం అనేది ఓ వ్యక్తి జీవితంలో కనీసం పదేళ్ల కాలాన్ని ఉఫ్‌మని వూదేస్తుంది. అంటే పదేళ్ల జీవిత కాలాన్ని కోల్పోయి మృత్యువు ఒడి చేరడం ఖాయం అని ఆస్ట్రేలియాలో తాజాగా నిర్వహించిన అధ్యయనం పేర్కొంది. పొగతాగే అలవాటున్న వారు హఠాన్మరణం చెందుతారని తెలిపింది. పొగతాగే అలవాటున్న వారి వివరాలను...వారి ఆరోగ్య పరిస్థితులను నాలుగేళ్లపాటు నిరంతరాయంగా పరిశీలించి...విశ్లేషించిన మీదట తాము ఈ నిర్ణయానికి వచ్చినట్లు పరిశోధకులు తెలిపారు. దాదాపు ఇరవైవేల మందికి చెందిన రికార్డులను పరిశీలించామన్నారు. ఈ అలవాటుకు బానిసలైన వారు ఏ వయసులో ఉన్నా సరే వెంటనే మానేస్తే...కచ్చితంగా ఏ విధమైన సమస్యలుండవనీ...ప్రాణభయం అసలే ఉండదనీ పరిశోధకులు తెలిపారు.
  • =========================== 
 Visit my website at -> Dr.Seshagirirao.com/

exercise protects brain,మెదడుకు వ్యాయామ రక్ష

  •  

వాషింగ్టన్‌: వ్యాయామంతో శరీర దారుఢ్యమే కాదు.. మేధోశక్తి కూడా పెరుగుతుందని మీకు తెలుసా? డానా-ఫార్బర్‌ క్యాన్సర్‌ ఇన్‌స్టిట్యూట్‌, హార్వర్డ్‌ మెడికల్‌ స్కూల్‌ అధ్యయనంలో ఈ విషయమే వెల్లడైంది. వ్యాయామం చేస్తున్నప్పుడు మెదడులో ఉత్పత్తయ్యే ఎఫ్‌ఎన్‌డీసీ5 అనే అణువు మానసిక ఆరోగ్యాన్ని పెంపొందించేందుకు తోడ్పడుతున్నట్టు పరిశోధకులు గుర్తించారు. అలాగే జ్ఞాపకశక్తి, విషయగ్రహణలో పాలు పంచుకునే జన్యువులను ప్రేరేపించే ఐరిసిన్‌ ప్రోటీన్‌ స్థాయులు కూడా వ్యాయామం మూలంగా పెరుగుతున్నట్టు కనుగొన్నారు. నాడీ సంబంధ వ్యాధుల చికిత్సకు, వృద్ధుల్లో జ్ఞాపకశక్తిని మెరుగుపరచేందుకు మందులను రూపొందించటంలో ఇవి ఉపయోగపడగలవని భావిస్తున్నారు. విషయగ్రహణ శక్తిని వ్యాయామం పెంపొందించగలదని.. పక్షవాతం, కుంగుబాటు, అల్జీమర్స్‌ వంటి జబ్బుల లక్షణాలను తగ్గించగలదని తేలినప్పటికీ ఇదెలా జరుగుతుందనేది మాత్రం స్పష్టంగా తెలియదు. అయితే ఇందులో బీడీఎన్‌ఎఫ్‌ అనే వృద్ధి కారకం కీలక పాత్ర పోషిస్తుందని భావిస్తున్నారు. వ్యాయామం చేయటం వల్ల మెదడులో ఎఫ్‌ఎన్‌డీసీ5, ఐరిసిన్‌ ఉత్పత్తితో పాటు బీడీఎన్‌ఎఫ్‌ వృద్ధి కారకం వ్యక్తీకరణ కూడా పెరిగినట్టు తేలింది.--PM 06:59 12-10-2013
  • =========================== 
Visit my website at -> Dr.Seshagirirao.com/

06 October 2013

Heart is healty with beer,బీరుతో గుండె హుషారు

  •  


  •  
లండన్‌: రోజుకో గ్లాసు(అరలీటరు) బీరు తాగితే చాలు.. గుండె చుట్టూ ఉండే రక్తనాళాల పరిస్థితి మెరుగవడంతో పాటు రక్త ప్రసరణ బాగా జరుగుతుందని, ధమనులు మరింత మృదువుగా మారతాయని తాజా అధ్యయనం వెల్లడించింది. 400 మి.లీ. బీరు తాగిన తర్వాత రెండు గంటల్లో దమనులు మరింత మెత్తగా మారడంతో పాటు రక్త ప్రసరణ మెరుగుపడినట్లు గుర్తించామని గ్రీస్‌ శాస్త్రవేత్తలు పేర్కొన్నారు. అదేసమయంలో ఆల్కహాల్‌ రహిత బీరు తాగితే ఈ ప్రభావమేమీ కనిపించలేదని 'ద సన్‌' పేర్కొంది. బీరులో ఉండే ఆల్కహాల్‌, యాంటీఆక్సిడెంట్ల సమ్మేళనం వల్లే తాజా ఫలితాలు వచ్చి ఉంటాయని పరిశోధకులు చెబుతున్నారు.

  • =========================== 
 Visit my website at -> Dr.Seshagirirao.com/

Book reading improve memory power,పుస్తక పఠనంతో జ్ఞాపకశక్తి పదిలం



  •  
అమెరికా శాస్త్రవేత్తల అధ్యయనంలో వెల్లడి -->
వాషింగ్టన్‌: పుస్తకాలు ఎక్కువగా చదవడం, రాయడం, బుర్రకు పనిపెట్టే పనుల్లో పాలుపంచుకోవడం వంటి చర్యల ద్వారా వృద్ధాప్యంలోనూ జ్ఞాపకశక్తిని పదిలపరచుకోవచ్చని అమెరికాలో నిర్వహించిన అధ్యయనంలో తేలింది. షికాగోలోని రష్‌ విశ్వవిద్యాలయ వైద్య కేంద్రానికి చెందిన పరిశోధకులు దీన్ని నిర్వహించారు. ''చిన్నతనం నుంచి వృద్ధాప్యం వరకూ ఇలాంటి చర్యలు చేపట్టడం వల్ల వార్ధక్యంలో మెదడు ఆరోగ్యానికి ఎంతో మేలు కలుగుతుంది'' అని పరిశోధనకు నాయకత్వం వహించిన రాబర్ట్‌ ఎస్‌ విల్సన్‌ తెలిపారు. అధ్యయనంలో భాగంగా 294 మందికి జ్ఞాపకశక్తి, ఆలోచనశక్తికి సంబంధించిన పరీక్షలు నిర్వహించారు.
  • =========================== 
 Visit my website at -> Dr.Seshagirirao.com/

Cure of AIDS with cancer medicines,కేన్సర్‌ మందుతో ఎయిడ్స్‌ మాయం

  •  

లండన్‌: కేన్సర్‌కు మందు ఇస్తే ఎయిడ్స్‌ నయమైన విచిత్ర ఘటన అమెరికాలోని బోస్టన్‌లో జరిగింది. ఎయిడ్స్‌ బారిన పడిన ఇద్దరు వ్యక్తులు (పురుషులు) చాలాకాలంగా ఆ వ్యాధికి చికిత్స తీసుకుంటున్నారు. ఈ క్రమంలో వారిలో లింఫొమా అనే రకం రక్తకేన్సర్‌ కూడా బయటపడటంతో వైద్యులు.. మూలకణాల మార్పిడి చికిత్స జరిపారు. దీని తర్వాత కొన్నిరోజులకు చూస్తే కేన్సర్‌ నయమవటమే కాదు.. ఏయిడ్స్‌ బారి నుంచీ వారు విముక్తి పొందినట్లు తెలిసింది. వారిద్దరి రక్తంలో హెచ్‌ఐవీ వైరస్‌ కనిపించలేదు. ఒక వ్యాధిగ్రస్థుడికి 15 వారాల నుంచి ఎయిడ్స్‌ మందులు ఇవ్వటం మానివేయగా, మరొకరికి ఏడువారాల నుంచి నిలిపివేశారు. ఈ వివరాలను కౌలాలంపూర్‌లో ఏర్పాటైన అంతర్జాతీయ ఏయిడ్స్‌ సొసైటీ సమావేశంలో.. బోస్టన్‌లోని హార్వర్డ్‌ మెడికల్‌ స్కూల్‌, బ్రిగమ్‌ అండ్‌ విమెన్స్‌ హాస్పిటల్‌కు చెందిన తిమోతి హెన్రిచ్‌ వెల్లడించారు. బాధితుల నుంచి ఏయిడ్స్‌ వైరస్‌ పూర్తిగా తొలగిపోయిందా అన్న విషయాన్ని ఇప్పుడే చెప్పలేమన్నారు.(5:23 PM 06-Oct-13)
  • ===========================
 Visit my website at -> Dr.Seshagirirao.com/

04 October 2013

New vaccine to reduce cholesterol,కొలెస్ట్రాల్‌ను తగ్గించే కొత్త టీకా


  •  
లండన్‌: కొలెస్ట్రాల్‌ను సగందాకా తగ్గించి వేసే కొత్తరకం టీకాను అందుబాటులోకి రానుంది. ప్రాణాంతక కొలెస్ట్రాల్‌ను 57 శాతందాకా తగ్గించే ఈ టీకాను రోగులపై విజయవంతంగా ప్రయోగించి చూశారు. స్టాటిన్‌ మందులతో నిరోధకత ఉండే రోగులకు ఇది ఉపకరిస్తుందని భావిస్తున్నారు. హానికారక కొలెస్ట్రాల్‌గా వ్యవహరించే 'లోడెన్సిటీ లిపోప్రొటీన్‌ (ఎల్‌డీఎల్‌)'ను లక్ష్యంగా చేసుకునే ఈ పద్ధతితో అధిక కొలెస్ట్రాల్‌తో బాధపడే రోగులకు కొత్త తరహా చికిత్స అందుబాటులోకి రానుందని పరిశోధకులు పేర్కొన్నారు. 'ఏఎల్‌ఎన్‌-పీసీఎస్‌'గా పిలిచే ఔషధం కొలెస్ట్రాల్‌ను నియంత్రించే 'పీసీఎస్‌కే9' అనే ప్రొటీన్‌ ఉత్పత్తిని అడ్డుకుంటుంది. రక్తంలోని హానికారక కొలెస్ట్రాల్‌ను తొలగించే రిసెప్టర్లను ఈ ప్రొటీన్‌ దెబ్బతీస్తుంది. ఈ కొత్త విధానంతో చికిత్సపై ఆశలు చిగురిస్తున్నాయని బ్రిటిష్‌ హార్ట్‌ ఫౌండేషన్‌ వైద్య సంచాలకులు ప్రొఫెసర్‌ పీటర్‌ వీస్‌బెర్గ్‌ పేర్కొన్నారు.(10:37 AM 04-Oct-13)
  • =========================== 
 Visit my website at -> Dr.Seshagirirao.com/