న్యూయార్క్‌: పచ్చబొట్టుతో దద్దు, వాపు వంటివి తలెత్తొచ్చని.. ఇవి దీర్ఘకాలం వేధించే అవకాశముందని తాజా అధ్యయనం హెచ్చరించింది. వీటికి లేజర్‌ శస్త్రచికిత్స చేయాల్సిన అవసరమూ ఉండొచ్చని పేర్కొంది. పచ్చబొట్టు వేయించుకున్నవారిలో సుమారు 6% మందికి దద్దు, తీవ్రమైన దురద లేదా వాపు వంటి సమస్యలు ఎదురవుతున్నట్టు ఎన్‌వైయూ ల్యాంగోన్‌ మెడికల్‌ సెంటర్‌ పరిశోధకులు గుర్తించారు. పచ్చబొట్టు ప్రభావాలు నాలుగు నెలల నుంచి నాలుగేళ్ల పాటు కొనసాగుతుండటం గమనార్హం. పచ్చబొట్టు వేయించుకోవటానికి ఆదరణ పెరుగుతున్న నేపథ్యంలో దీని మూలంగా తలెత్తే ముప్పులపైనా వైద్యులు, ప్రజారోగ్య అధికారులు, వినియోగదారులు అవగాహన పెంచుకోవాల్సిన అవసరముందని అధ్యయన నేత మేరీ లెగెర్‌ తెలిపారు. కొన్ని చర్మ రియాక్షన్లను స్టీరాయిడ్‌ మందులతో నయం చేయొచ్చని, కానీ మరికొన్నింటికి లేజర్‌ శస్త్రచికిత్స అవసరమవుతుందని వివరించారు
- ===========================
No comments:
Post a Comment
Thanks for your Comment . Your feedback is important for improvement of this blog.