అధిక రక్తపోటుకు వైరస్సే కారణం?--Eeandu newspaper 16/08/2011
గట్టి ఆధారాలు సేకరించాం: చైనా శాస్త్రవేత్తలు--నలభై ఏళ్ల వయస్సు వారందరికీ తప్పదీ సమస్య--
వాషింగ్టన్: గుండె జబ్బులు, పక్షవాతానికి, మూత్రపిండాల వ్యాధికి దారితీస్తున్న అధిక రక్తపోటుకు కారణం సాధారణ వైరస్ అని తాజా పరిశోధనలో తేలింది. హ్యూమన్ సైటోమెగాలోవైరస్ (హెచ్సీఎంవీ)కు అధికరక్తపోటుకు మధ్య లంకెపై గట్టి ఆధారాలను సేకరించినట్లు చైనా వైద్యుల బృందం తెలిపింది. ఈ వైరస్.. ప్రపంచ వ్యాప్తంగా అందరిలోనూ సోకుతుంది. ఇది హెర్పెస్ వైరస్ కుటుంబానికి చెందింది. అన్ని వయస్సుల వారికీ సోకుతుంది. పుట్టుకతోవచ్చే ఇన్ఫెక్షన్లకు ఇది ప్రధాన కారణం. అవయవ మార్పిడి చేయించుకున్న రోగుల్లో తీవ్రమైన ఇన్ఫెక్షన్లను ఇది కలిగిస్తుంది. 40 ఏళ్లు వచ్చేసరికి దాదాపు అందరూ ఈ వైరస్ బారినపడతారు. అయితే చాలా మందిలో ఎలాంటి రోగలక్షణాలు కనిపించవు. ఒకసారి ఇది శరీరంలోకి ప్రవేశిస్తే.. ఇది శరీరంలోనే అచేతనంగా ఉంటుంది. శరీర రోగ నిరోధక వ్యవస్థ సామర్థ్యం తగ్గాక ఇది పునరుత్తేజం పొందుతుంది. తాజా పరిశోధన.. పెను మార్పులకు శ్రీకారం చుడుతుందని భావిస్తున్నారు. ప్రపంచ ఆరోగ్య సంస్థ (డబ్ల్యూహెచ్వో) అంచనా ప్రకారం.. ప్రపంచవ్యాప్తంగా దాదాపు 100 కోట్ల మంది అధికరక్తపోటుతో బాధపడుతున్నారు.
- ====================
Visit my website at : Dr.Seshagirirao.com
No comments:
Post a Comment
Thanks for your Comment . Your feedback is important for improvement of this blog.