లండన్‌: సుదీర్ఘ, ఆరోగ్యకర జీవితం వెనక విటమిన్‌-బీ3 (నియాసిన్‌) కీలకపాత్ర పోషిస్తున్నట్లు తాజా అధ్యయనంలో గుర్తించారు. శరీరం వ్యాయామం చేస్తున్నట్లు నియాసిన్‌ భ్రమింప చేస్తుందని పరిశోధకులు పేర్కొన్నారు. ఈటీహెచ్‌ జ్యూరిచ్‌కు చెందిన శాస్త్రవేత్తలు ఏలికపాములపై నియాసిన్‌తో ప్రయోగం చేసి చూడగా.. ఈ ఆహారం వల్ల ఏలికపాము సాధారణంకన్నా ఎక్కువ కాలం జీవించినట్లు తేలింది. నియాసిన్‌ వ్యాయామం తరహా జీవక్రియ పరిస్థితిని కలిగిస్తుందనీ, శరీరం వ్యాయామం చేస్తున్నట్లుగా భ్రమింపజేస్తుందని పరిశోధకులు రిస్టో చెప్పారు. ఈ పరిశోధన ఫలితాలు మనుషులకూ వర్తిస్తాయని పేర్కొన్నారు. నియాసిన్‌ నికొటినమైడ్‌గా మారడం వల్లే ఈ ప్రయోజనాలు దక్కుతున్నట్లు వివరించారు. నియాసిన్‌ను ఆహార సప్లిమెంట్లుగా తీసుకోవడం ఎప్పట్నుంచో ఆమోదంలో ఉన్నదేనని వివరించారు.(5:46 AM 10/2/2013)
- ===========================
No comments:
Post a Comment
Thanks for your Comment . Your feedback is important for improvement of this blog.